ज्येष्ठ अभिनेते रमेश भाटकर यांचे निधन

मुंबई : ज्येष्ठ अभिनेते रमेश भाटकर यांचे निधन झाले आहे. मुंबईतील एलिझाबेथ रुग्णालयात त्यांनी वयाच्या 70 व्या वर्षी अखेरचा श्वास घेतला. रमेश भाटकर यांना कॅन्सर होता. अनेक टीव्ही मालिका आणि सिनेमामंधून त्यांची भूमिका गाजली. रमेश भाटकर गायक आणि संगीतकार वासूदेव भाटकर यांचे पूत्र. ३ ऑगस्ट १९४९ रोजी त्यांचा जन्म झाला होता. अश्रूंची झाली फूले हे त्यांचे सर्वाधिक गाजलेले नाटक होते.

1977 मध्ये रमेश भाटकर यांनी मराठी सिनेसृष्टीत पदार्पण केले. 30 हून अधिक वर्ष त्यांनी अभिनयाने लोकांचं मनोरंजन केलं. वयाच्या पासष्टीनंतरही त्यांच्यात तोच उत्साह होता. 'तू तिथे मी' आणि 'माझे पती सौभाग्यवती' या मालिकेत त्यांनी अभिनयाने अनेकांची मनं जिंकली होती. 'अॅक्सिडेंटल प्राईम मिनिस्टर' हा त्यांचा शेवटचा सिनेमा ठरला.