सौ. सीएम अमृता फडणवीस यांचा बिग बींसोबत पहिला व्हिडीओ अल्बम

मुंबई : मुख्यमंत्री देवेंद्र फडणवीस यांच्या पत्नी अमृता फडणवीस यांच्या कलागुणांना वाव मिळताना दिसत आहे. सुरूवातीला अमृता फडणवीस  या एक उत्तम गायक असल्याचं समोर आलं, पण अमृता फडणवीस यांच्यात अनेक कलागुण लपललेले आहेत, त्यांनी नागपुरातून मुंबईत आल्यानंतर आपल्या या कलागुणांना न्याय देण्यास सुरूवात केली आहे, असं म्हणतात की आपल्यातील सर्जनशीलता हे वेळोवेळी व्यक्त केली नाही, लोकांसमोर मांडली नाही तर ती मारली जाते. पण अमृता फडणवीस यांनी तसे होऊ दिले नाही.

या क्षेत्रात अमृता फडणवीस यांना थोडासा उशीर झाला असला, तरी त्यांनी एक दमदार सुरूवात केली आहे. विशेष म्हणजे अमृता फडणवीस यांचा लूक देखील या अल्बममध्ये खूप काही बदलला आहे. आणखी एक विशेष बाब म्हणजे अमृता फडणवीस यांनी स्वत: हे गाणं गायलं आहे. अनेक महिलांसाठी अमृता फडणवीस यांनी ठेवलेलं हे एक उत्तम उदाहरण आहे, सर्व महिलांना ते प्रेरणादायी ठरणार आहे.