...म्हणून २९ डिसेंबरला बिग बींना दादासाहेब फाळके पुरस्कार होणार प्रदान
तब्येतीमुळे त्यांना राष्ट्रीय पुरस्कार सोहळ्यात उपस्थित राहता आले नाही
)
मुंबई : सोमवारी दिल्लीच्या विज्ञान भवनात राष्ट्रीय पुरस्कार सोहळा आयोजीत करण्यात आला होता. यावेळी कला विश्वात अभिनयाचा ठसा उमटवणाऱ्या कलाकारांचा गौरव करण्यात आला. या पुरस्कार सोहळ्यात अनेक दिग्गज कलाकार उपस्थित होते. उपराष्ट्रपती व्यंकय्या नायडू यांच्या हस्ते कलाकारांना पुरस्कार प्रदान करण्यात आले.
परंतु या पुरस्कार सोहळ्यात बॉलिवूडचे महानायक अमिताभ बच्चन मात्र उपस्थित नव्हते. त्यांना दादासाहेब फाळके पुरस्काराने गौरवण्यात येणार होते. पण त्यांच्या तब्येतीमुळे त्यांना पुरस्कार सोहळ्यात उपस्थित राहता आले नाही.
Down with fever Not allowed to travel .. will not be able to attend National Award tomorrow in Delhi .. so unfortunate .. my regrets ..
— Amitabh Bachchan (@SrBachchan) December 22, 2019
याची खंत खुद्द बिग बींनी ट्विटरच्या माध्यमातून व्यक्त केली. 'मला ताप आल्यामुळे मी राष्ट्रीय पुरस्कार सोहळयात उपस्थित राहू शकलो नाही. शिवाय डॉक्टरांनी प्रवास करायला नकार दिला आहे.' त्यामुळे पुरस्कार सोहळ्याला उपस्थित राहू न शकल्याचे त्यांनी स्पष्ट केले.
Amitabh Bachchan to be honoured with Dadasaheb Phalke on December 29: Information and Broadcasting Minister Prakash Javadekar
— Press Trust of India (@PTI_News) December 23, 2019
त्यानंतर केंद्रीय माहिती व प्रसारण मंत्री प्रकाश जावडेकर यांनी अमिताभ यांना दादा साहेब फाळके हा पुरस्कार २९ डिसेंबर रोजी देण्यात येणार असल्याचे जाहिर केले. ट्विटरच्या माध्यमातून त्यांनी ही माहिती दिली आहे.
यावेळी 'नाळ' या चित्रपटासाठी श्रीनिवास पोकळे याला सर्वोत्कृष्ट बालकलाकाराचा पुरस्कार प्रदान करण्यात आला. त्याचप्रमाणे श्रीनिवाससह इतर तीन बालकलाकारांचाही गौरव करण्यात आला.