मुलासाठीची पोस्ट लिहिताना जेनेलिया देशमुख भावूक

छाया सौजन्य- इन्स्टाग्राम

मुंबई : अभिनेत्री जेनेलिया देशमुख आणि अभिनेाता रितेश देशमुख यांच्या मुलाचा म्हणजेच रिआनचा वाढदिवस नुकताच साजरा करण्यात आला. रिआनच्या वाढदिवसाच्या निमित्ताने आयोजित एका पार्टीला बऱ्याच सेलिब्रिटींनी त्यांच्या मुलांसह हजेरी लावली. ज्यानंतर आता अभिनेत्री जेनेलिया डिसूजा देशमुख हिने तिच्या मुलासाठी एक भावनिक पोस्ट लिहिली आहे. या पोस्टच्या माध्यमातून तिने एक आई म्हणून आपल्या सर्व भावनांना वाट मोकळी करुन दिली आहे. 

प्रिय रिआन... असं लिहित तिने मुलासाठीच्या पोस्टती सुरुवात केली. अतिशय सरळ, सोप्या शब्दांत तिने लिहिलेलं हे पत्र/ पोस्ट लिहिली आहे. 'अनेक पालक म्हणतात की, आपली मुलं मोठी होऊ नयेत. वेळ असाच कायमस्वरुपीच थांबला पाहिजे. पण, मी तसं म्हणत नाही.... तू तुझ्या जीवनातील प्रत्येक प्रसंग आनंददायीपणे जगावस असं मला वाटतं', असं लिहित एक परिपूर्ण युवक आणि पुरूष म्हणून आपल्या मुलाने मोठं व्हावं असंच आपल्याला वाटत असल्याची भावना तिने व्यक्त केली. 

'तुला पंख देत त्या पंखांसाठीचा वारा मी होऊ इच्छिते..... आयुष्य हे खडतर आहे, पण तू त्याहूनही खंबीर आहेस हे मी तुला सांगू इच्छिते. कोणताही प्रसंग असो, मी तुझ्यावरच विश्वास ठेवेन... कायम....', असं लिहित आपलं मुलावर किती प्रेम आहे हे जेनेलियाने शब्दांवाटे मांडण्याचा प्रयत्न केला. 

View this post on Instagram

Dearest Riaan, Every parent says “I don’t want him to grow up, I want to freeze this age forever”.. But I don’t.. I want to enjoy every year of yours, I want to see you grow into a fine young man, I want to give you wings to fly and I’d like to be the wind beneath those wings. I want to tell you that life is tough but you are tougher, I want you to always believe in yourself no matter what happens cause I will always believe in you.. Apart from everything I want and I wish for you, the one thing I never want to fail to let you know, is that I love you so so so much and you are the greatest thing that happened to me.. There is nothing I’d rather see than your smile and nothing I’d rather hear than your laughter. For all the things my hands have held, the best by far is you. Happy Birthday to the little boy who made me a Mom- My First Born 

A post shared by Genelia Deshmukh (@geneliad) on Nov 24, 2019 at 7:29pm PST

एक अभिनेत्री असण्यासोबतच जेनेलियाने लग्नानंतर तिच्या वैवाहिक आयुष्याला प्राधान्य देत कुटुंबाची जबाबदारी घेतली. यामध्ये आपली कामगिरी प्रशंसनीयपणे पार पाडत तिने अनेकांसाठी आदर्शच प्रस्थापित केला. २०१४ मध्ये रितेश आणि जेनेलियाच्या जीवनात रिआन या चिमुकल्याचं आगमन झालं होतं. त्याच्या येण्याने या सेलिब्रिटी जोडीच्या कुटुंबात आनंदाची उधळण झाली होती.