Dance Deewane 3 चा जज धर्मेशला कोरोना, Madhuri Dixitचा रिपोर्ट आला
लोकप्रिय डान्स रिएलिटी शो 'डान्स दिवाने 3'च्या सेटवर 18 जणांना कोरोनाची लागण झाली.
)
मुंबई : देशात पुन्हा कोरोना विषाणूचा प्रादुर्भाव झपाट्याने वाढत आहे. यामुळे महाराष्ट्रावर याचे बरेच परिणाम होत आहेत. मुंबईत कोरोना विषाणूच्या संसर्गाची सर्वाधिक प्रकरणे येत आहेत. आतापर्यंत बर्‍याच मोठ्या सेलेब्स, क्रू मेंबर्स आणि चित्रपटाच्या सेटवर काम करणार्‍या शेकडो लोकांना कोरोनाची लागण झाली आहे.
काही दिवसांपूर्वी लोकप्रिय डान्स रिएलिटी शो 'डान्स दिवाने 3'च्या सेटवर 18 जणांना कोरोनाची लागण झाली. पण सुदैवाने, या शोमधील कोणत्याही जज किंवा स्पर्धक या विषाणूच्या जाळ्यात आले नव्हते. पण आता या शोचा जज धर्मेश कोरोना पॉझिटिव्ह आला आहे. हा रिपोर्ट सकारात्मक आल्यापासून त्याला घरात क्वारंटाईन करण्यात आलं आहे.
माधुरी आणि तुषार निगेटिव्ह
धर्मेश व्यतिरिक्त माधुरी दीक्षित आणि तुषार कालिया या दोन जजचेही कोरोना चाचणी करण्यात आली. यादोघांचे अहवाल नकारात्मक आले आहेत. आता या कार्यक्रमात माधुरी दीक्षित आणि तुषार कालिया जज म्हणून राहतील, कोविडमधून पूर्णपणे बरा होईपर्यंत धर्मेश यापुढे या कार्यक्रमात दिसणार नाही. त्यांची जागा रिप्लेस करण्यात आली आहे
धर्मेशच्या बदली दिसणार ही व्यक्ती
नृत्यदिग्दर्शक आणि डान्सर पुनीत पाठक आणि शक्ती मोहन 'डान्स दिवाने 3' मध्ये धर्मेशच्या जागी दिसणार आहेत. नुकताच सोशल मीडियावर आगामी एपिसोडचा प्रोमो रिलीज केला आहे. या प्रोमोमध्ये पुनीत पाठक आणि शक्ती मोहन दिसत आहेत.
गोव्यातून आल्यानंतर रिपोर्ट आला पॉझिटिव्ह
शोचे निर्माते अरविंद यांनी धर्मेशच्या रिपोर्टवर प्रतिक्रिया व्यक्त केली आहे. ते म्हणाले की, धर्मेशचा कोरोना रिपोर्ट गेल्या आठवड्यात नकारात्मक आला होता. यानंतर तो गोव्यात गेला. 5 एप्रिल रोजी तो पुन्हा या शोसाठी शूटिंग करणार होता. पण नियमानुसार शूटिंग सुरू करण्यापूर्वी त्याची कोरोना टेस्ट करण्यात आली होती आणि ही टेस्ट पॉझिटिव्ह आली.