'गणपत' सिनेमात अभिनेता टायगर श्रॉफसोबत झळकणार हि अभिनेत्री
बॉलिवूड अभिनेता टायगर श्रॉफने एक मोशन पोस्टर त्याच्या इन्स्टाग्राम अकाऊंटवरून शेअर केले आहे.
)
मुंबई: बॉलिवूड अभिनेता टायगर श्रॉफने एक मोशन पोस्टर त्याच्या इन्स्टाग्राम अकाऊंटवरून शेअर केले आहे. या पोस्टरमध्ये क्रिती बाइकवर बसलेली आहे. तर टायगर बोलतो “माझी लव्ह स्टोरी इथून सुरू झाली.” मोशन पोस्टर शेअर करत टायगरने कॅप्शन दिले आहे की, “प्रतिक्षा संपली, या प्रतिभावान अभिनेत्रीसोबत पुन्हा एकदा काम करण्यासाठी उत्सुक आहे.
” मोशन पोस्टरमध्ये क्रितीचा हटके लूक दिसत आहे. तब्बल 6 वर्षांनंतर टायगर आणि क्रितीचा ‘गणपत’ हा चित्रपट प्रेक्षकांच्या भेटीला येणार आहे. ‘गणपत’ चित्रपटाचे मोशन पोस्टर नुकतेच प्रदर्शित करण्यात आले आहे. या सिनेमात क्रिती मुख्य भूमिकेत झळकणार आहे. अभिनेत्री क्रिती सेनॉनने आपल्या अभिनयाने प्रेक्षकांची मने जिंकली आहेत. क्रितीने ‘हीरोपंती’ या चित्रपटातून बॉलिवूडमध्ये पदार्पण केले.
या चित्रपटात तिच्यासोबत अभिनेता टायगर श्रॉफने मुख्य भूमिका साकारली होती. आता पुन्हा एकदा टायगर आणि क्रिती ही जोडी एकत्र काम करताना दिसणार आहे.
Meet JASSI!!
Super Duper Excited for this one!! Teaming up once again with my very special @iTIGERSHROFF Can't wait for the shoot to begin Lets kill it guysss! #Ganapath #VikasBahl @vashubhagnani @jackkybhagnani @honeybhagnani #GoodCo @poojafilms pic.twitter.com/pIZYciWg33— Kriti Sanon (@kritisanon) February 10, 2021
या आधी देखील टायगरने ‘गणपत’ चित्रपटाचे एक मोशन पोस्टर शेअर केले होते. या पोस्टरमध्ये एक मुलगी बाइकवर बसल्याचे दिसत आहे. त्यावर अनेक चाहत्यांनी कमेंट करत वेगवेगळ्या अभिनेत्रींची नाव घेतली होती. त्यात अभिनेत्री सारा अली खान, नोरा फतेही आणि क्रिती सेनॉनचे नाव घेतले होते. पण आता ती अभिनेत्री क्रिती असल्याचे स्पष्ट झाले आहे. त्यामुळे या सिनेमाची प्रेक्षकांमध्ये कमालीची उत्सुकता पाहायला मिळते आहे.