'या' अभिनेत्रीने गुपचूप उरकलं लग्न, फोटो आले समोर

मुंबई : बॉलिवूडप्रमाणेच आता टीव्ही मालिकांमध्येही लग्नाचा धडाका सुरु आहे. अनेक अभिनेता - अभिनेत्री लग्नाच्या पवित्र बंधनात अडकत चालले आहेत. नुकतचं एका अभिनेत्रीने आपल्या 9 वर्षांनी लहान असलेल्या बॉयफ्रेंडसोबत गुपचूप लग्न केल्याची घटना समोर आली आहे. या लग्नसोहळ्याचे फोटो आता समोर आले आहेत. 

टेलिव्हिजन अभिनेत्री मृणाल देशराज विवाहबंधनात अडकली आहे. मृणाल देशराजने 5 जुलै 2022 रोजी तिचा प्रियकर आशिम माथनसोबत लग्न केले. या गुप्त लग्नाची माहिती मिळताच सोशल मीडियावर चाहते त्यांचे खूप अभिनंदन करत आहेत. 

मृणाल म्हणाली की, लग्नाचे दीर्घकाळ चालणारे कार्यक्रम कमी करण्यासाठी, आम्ही 5 जुलै 2022 रोजी न्यायालयात लग्नाची नोंदणी केली आणि आता आम्ही आमच्या कुटुंबासाठी आणि मित्रांसाठी रिसेप्शनचे आयोजन करणार असल्याची माहिती दिली. 

मीडिया रिपोर्ट्सनुसार, ही अभिनेत्री आता 10 जुलै रोजी तिच्या मित्र आणि जवळच्या मित्रांसाठी रिसेप्शन पार्टीची योजना आखत आहे. या जोडप्याला आपले लग्न लाइमलाइटपासून दूर ठेवायचे होते, म्हणून दोघांनी कोर्ट मॅरेज केले आहे.

विशेष म्हणजे, मृणालने तिच्यापेक्षा 9 वर्षांनी लहान असीमसोबत लग्न केले आहे. तिचा नवरा आता 34 वर्षांचा आहे, तर अभिनेत्री 43 वर्षांची आहे. अभिनेत्रीने तिच्यापेक्षा वयाने लहान असलेल्या व्यक्तीशी लग्न करण्याची ही पहिलीच वेळ नाही.

अभिनेत्रीने एका मुलाखतीत सांगितले होते की, ती तिच्या पतीला सप्टेंबर 2021 मध्ये एका कॉमन फ्रेंडच्या पार्टीत भेटली होती आणि त्याचवेळी दोघेही एकमेकांच्या प्रेमात पडले होते. आशिमने गोव्यातील अभिनेत्रीला रोमँटिक पद्धतीने प्रपोज केले होते.

अभिनेत्री मृणाल देशराज अनेक टीव्ही मालिकांमध्ये काम केले आहे. इश्कबाज, नागिन 3 आणि इतर मालिकांमध्ये ती झळकली होती. मृणालच्या लग्नानंतर चाहते तिला शुभेच्छा देत आहेत.