वाढदिवसानिमित्त सलमानकडून चाहत्यांना खास गिफ्ट

मुंबई : बॉलिवूड सुपरस्टार सलमान खानचा गुरूवारी 53 वा वाढदिवस. वाढदिवसाच्या एक दिवस अगोदर सलमानने आपल्या चाहत्यांनाच मोठं गिफ्ट दिलं आहे. सलमान खानच्या अभिनयाबरोबरच चाहत्यांना त्याच्यातील एक गोष्ट आवडते ती म्हणजे त्याचं ब्रेसलेट. 

हेच ब्रेसलेट आता सलमान खान बीइंग ह्यूमन ज्वेलरी सीरीज अंतर्गंत विकणार आहे. या संबंधीचा व्हिडिओ त्याने बुधवारी आपल्या इंस्टाग्राम अकाऊंटवर शेअर केला आहे. 

या व्हिडिओत सलमान खानसोबत त्याचे वडिल सलीम खान देखील दिसत आहेत. त्यांनी देखील आपल्या हातात सलमान खानप्रमाणे ब्रेसलेट घातला आहे. 

या व्हिडिओसोबत कॅप्शन दिली आहे की, माझ्या वडिलांकडून मला आणि माझ्याकडून आता तुम्हा सगळ्यांकरता. माझं ओरिजनल ब्रेसलेट आता सगळ्यांकरता. असली बना आणि असली राहा. 

आता हे ब्रेसलेट फ्लिपकार्ट आणि निवडक बीइंग ह्युमन क्लोथिंग स्टोर्समध्ये ऑनलाइन उपलब्ध असणार आहे. 

View this post on Instagram

From my father to me and from me to you all. Mera original bracelet aap sab k liye. Be real, stay real. @beinghumanjewelleryofficial Available now online exclusively on @flipkart and at select @beinghumanclothing stores. Shop now: https://bit.ly/2PM0mZ3

A post shared by Salman Khan (@beingsalmankhan) on Dec 26, 2018 at 4:34am PST

हे ब्रेसलेट फ्लिपकार्टवर 699 रुपयांत उपलब्ध आहे. सलमान खानच्या पर्सनॅलिटीतील अविभाज्य घटक म्हणजे हे ब्रेसलेट. सलमान प्रत्येकवेळी या ब्रेसलेटला घालून असतो. मग तो सिनेमा असो, पब्लिक प्रोग्राम किंवा टीव्ही शो.

सलमानच्या वडिलांनी हे त्याला गिफ्ट दिलेलं आहे. सलमान हे ब्रेसलेट आपल्यासाठी अतिशय लकी असल्याचं समजतो. या ब्रेसलेटमध्ये फिरोजा दगड लावलेला असून त्याचा रंग आकाशी आहे.