दुसऱ्या प्रेग्नंन्सीबद्दल भारती सिंगचं मोठं वक्तव्य, म्हणाली, ''नाहीतर मी...''

BharatI Singh: भारती सिंग आपल्या विनोदशैलीनं सगळ्यांनाच पोटभर हसवते. भारती सिंगचं नुकतंच एक वक्तव्य व्हायरल झालं आहे ज्यात ती म्हणाली की तिला मुलगी हवी आहे. असं काही झालं असतं तरी तिनं नक्कीच आपल्या दुसऱ्या प्रेग्नंन्सीची बातमी जाहीर केली असती. 

कॉमेडियम भारती सिंगला लक्ष उर्फ ​​गोला हा पाच महिन्यांचा मुलगा आहे. भारती (Bharati Singh) आणि तिचे पती हर्ष लिंबाचिया (Harsh Limachiyya) यांनी लक्षचे या वर्षी एप्रिलमध्ये स्वागत केले.

देबिना बॅनर्जीच्या दुसऱ्या प्रेग्नेंसीच्या बातमीवर भारतीने प्रतिक्रिया दिली होती. देबिना पाच महिन्यांची मुलगी आहे. जिचं नाव लियाना आहे. देबिनानं 15 ऑगस्ट रोजी तिची दुसरी प्रेग्नंन्सी जाहीर केली. देबिना आणि गुरमीत चौधरी यांनी या वर्षी एप्रिलमध्ये IVF तंत्रज्ञानाद्वारे लियानाचे स्वागत केले.

देबिनाबद्दल हे सांगितल्यावर, भारतीने एका मुलाखतीत सांगितले, “मला खूप आनंद झाला आहे की तिला दुसरे मूल होत आहे. मला माझ्या मुलासाठी बहीण हवी आहे, पण मी सी-सेक्शन (c-section) केले आहे, मला एक-दोन वर्षे वाट पाहावी लागेल. पण, मला माहित आहे की गोलाला एक भावंड असणे आवश्यक आहे. हर्ष आणि मला भविष्यात दुसरे मूल हवे आहे." अशी प्रतिक्रिया तिनं दिली.

भारतीने फराह खानच्या कॉमेडी शो द खतरा शोच्या सेटवर मीडियाला सांगितले होते. "मला असे वाटते की मला माझ्या नवजात मुलाबरोबर माझा चांगला मित्र सापडला आहे. हर्ष नेहमी व्यस्त होता. मला असे वाटते की पूर्वी मला एक मुलगा होता, आता मला दोन आहेत. मला एक मुलगी हवी होती. आम्हाला एक मुलगा आहे, त्याला एक बहीण असली पाहिजे. जर आम्हाला मुलगी असेल तर मी म्हणेन की तिला एक भाऊ असावा," असं ती म्हणाली होती.