Super Dancer Winner : चिमुकल्या Florina Gogoi ने मारली बाजी, ट्रॉफी सह जिंकली मोठी रक्कम

मुंबई :  सुपर डान्सर चॅप्टर 4 'नचपन का महा महोत्सव' या डान्स रिअ‍ॅलिटी शोचा ग्रँड फिनाले नुकताच पार पडला. फ्लोरिना गोगोईने या लोकप्रिय किड्स डान्स रिअ‍ॅलिटी शोचं विजेते पद पटकावलं. तिला ट्रॉफीसह 15 लाखांचे बक्षीसही मिळाले. फ्लोरिना गोगाईने तिचा मार्गदर्शक तुषार शेट्टीसह  परफॉर्मन्स सादर केला आणि गीता मां ला तिच्या अभिनयाने चकित केले. त्याचवेळी, रॅपर बादशाह देखील फ्लोरिनाचा अभिनय पाहून हैराण झाला.

यानंतर नीरजाने तिच्या सुपर गुरू भावनांसह 'किवे मुखडे टू' मध्ये तिच्या अभिनयाला सुरुवात केली. आपल्या मुलीला फिनालेमध्ये परफॉर्म करताना पाहून नीरजाची आई भावूक झाली आणि म्हणाली की तिला आपल्या मुलीच्या कामगिरीचा अभिमान आहे.

शोचे पाच फायनलिस्ट होते. ज्यात फ्लोरिना गोगाई (जोरहाट, आसाम), ईशा मिश्रा (नवी दिल्ली), संचित चानाणा (पंजाब), पृथ्वी राज (बेळगाव, कर्नाटक), नीरजा तिवारी (होशंगाबाद, मध्य प्रदेश) यांची नावे होती. यावर्षी मार्चमध्ये शो सुरू झाला, अभिनेत्री शिल्पा शेट्टी, चित्रपट निर्माता अनुराग कश्यप आणि कोरिओग्राफर गीता कपूर जज म्हणून या शोच्या माध्यमातून प्रेक्षकांचे मनोरंजन करत होते. ट्रॉफीसोबत विजेती फ्लोरिना गोगाईने 15 लाखांचे बक्षीस पटकावले.