तारक मेहताची छोटी सोनू करणार लग्न, बॉयफ्रेंडने केलं फिल्मी स्टाईल प्रपोज

Jheel Mehta Proposal : तारक मेहाता का उल्टा चश्मा हा शो गेली बरीच वर्ष प्रेक्षकांचं मनोरंजन करत आहे. हा प्रेक्षकांचा लाडका शो आहे. गेली अनेक वर्ष या शोने प्रेक्षकांच्या मनावर राज्य केलं आहे. या शोला जितकं प्रेम प्रेक्षकांनी दिलं तितकच प्रेम यातील प्रत्येक पात्रावर केलं. या शोमधील प्रत्येक पात्रावर प्रेक्षक भरभरुन करतो.  

अभिनेत्री झील मेहताला तारक मेहता का उल्टा चश्मामधून फेम मिळालं. यावेळी ती छोटी सोनूच्या भूमिकेत होती. झील मेहता या दिवसात हॅप्पी स्पेसमध्ये आहे. झीलच्या बॉयफ्रेंडने तिला लग्नासाठी प्रपोज केलं आहे. सोशल मीडियावर तिचं हे ड्रीमी प्रपोजल सध्या मोठ्या प्रमाणात व्हायरल होत आहे.

झील मेहताचं ड्रीमी प्रपोजल
व्हिडीओ शेअर करत तिने कॅप्शनमध्ये लिहीलं आहे की, कोई मिल गया, मेरा दिल गया. लव आज कल. समोर आलेल्या व्हिडीओमध्ये दिसत आहे की, झीलचा बॉयफ्रेंड तिच्यासाठी एक सरप्राईज प्लान करतो. सगळ्यात आधी तो झीलच्या डोळ्यांवर पट्टी बांधतो नंतर तिचा बॉयफ्रेंड डान्स करुन तिला प्रपोज करतो. यावेळी झीलने लाल रंगाचा सुंदर वनपीस ड्रेस परिधान केला होता. 

ईमोशनल झाली झील
झील भरपूर ईमोशनल होते आणि बॉयफ्रेंडला मिठी मारते. यादरम्यान झीलचे मित्र मंडळीही खूप मजा मस्ती करताना दिसत आहेत. झीलच्या या पोस्टवर अभिनेता भव्य गांधीने कमेंट केली आहे. त्याने रेड हार्ट ईमोजी शेअर केले आहेत. भव्यने झील सोबत तारक मेहता मालिकेत स्क्रिन शेअर केली आहे. भव्य यावेळी छोट्या टपूच्या भूमिकेत दिसला होता. शोमध्ये भव्य आणि झीलची मैत्री प्रेक्षकांनी खूप पसंत केली. 

झील मेहताने बऱ्याच दिवसांपासून तारत मेहता शोमध्ये सोनूचं पात्र साकारलं होतं. तिचा रोल आणि एक्टिंगला फॅन्सने खूप पसंती दिली होती. मात्र तिने हा शो मध्येच सोडला. शो सोडण्यामागचं कारण तिचं शिक्षण होतं. तारक मेहता सोडल्यानंतर ती कधीच कोणत्या शोमध्ये दिसली नाही.  झील सोशल मीडियावर कायम सक्रिय असते. सोशल मीडियावर तिचे ३ लाख फॉलोअर्स आहेत. झील नेहमीच तिच्या फॅशन स्टेटमेंटमुळे चर्चेत असते. ती तिच्या बॉयफ्रेंडसोबतचे फोटोदेखील सोशल मीडियावर शेअर करत असते.