Foods to avoid with Egg: अंड्यासोबत या गोष्टी कधीच खावू नये

मुंबई : अंडी एक सुपरफूड आहे, जे शरीराला अनेक आरोग्य फायदे पुरवते. पण काही गोष्टी आणि खाद्यपदार्थांसोबत त्याचे सेवन करू नये. अन्यथा तुम्हाला पोटाचा त्रास होऊ शकतो. प्रथिने आणि इतर जीवनसत्वे आणि खनिजे पुरवण्यासाठी जगभरात अंडी खाल्ली जातात. लोक चहा, कॉफी, दूध आणि इतर अन्नासह अंडी वापरतात.

आयुर्वेदानुसार कोणत्या गोष्टींसह अंडी खाऊ नयेत.

आयुर्वेद तज्ञ डॉ.अबरार मुलतानी यांच्या मते, आयुर्वेदात काही गोष्टी एकत्र खाण्यास मनाई आहे. कारण असे केल्याने शरीरावर आणि पचनावर वाईट परिणाम होतो. अंड्यांसह कोणत्या गोष्टी खाऊ नयेत हे जाणून घेऊया.

साखर
तज्ञांच्या मते, अंडी साखर टाकून शिजवू नयेत. कारण, स्वयंपाक करताना, दोन्ही गोष्टींमधून बाहेर पडणारे अमीनो अॅसिड शरीरासाठी विषारी बनू शकतात आणि रक्तामध्ये गोठण्यास कारणीभूत ठरू शकतात.

चहा
जर तुम्ही चहासोबत उकडलेली अंडी खाण्याचा विचार करत असाल तर थांबा. कारण, दोघांचे मिश्रण तुमच्या पोटासाठी हानिकारक ठरू शकते. तज्ञांच्या मते, यामुळे पचनसंस्थेवर वाईट परिणाम होऊ शकतो आणि तुम्हाला बद्धकोष्ठतेची समस्या येऊ शकते.

सोयाबीन दुध
सोया दूध आणि अंडी दोन्ही प्रथिनांचे उत्कृष्ट स्त्रोत आहेत. परंतु जर तुम्ही या दोन पदार्थांचे एकत्र सेवन केले तर शरीरातील प्रथिनांचे शोषण विस्कळीत होऊ शकते. ज्यामुळे अंडी आणि सोया दूध या दोन्हीच्या प्रथिनांचे प्रमाण शरीरात कमी होऊ शकते.