Gym precautions : कोरोना काळात जिम करताना या गोष्टींची काळजी घ्या.

मुंबई : कोरोना व्हायरसचा प्रसार वाढत आहे. लोकांकडून सामाजिक अंतरांचे पालन होत नाहीये. त्यातच जिममध्ये देखील लोकं व्यायाम करताना नियम पाळताना दिसत नाहीत. कोरोनाची नवी लाट आल्यामुळे काळजी घेणं अधिक महत्त्वाचं झालं आहे. जिममध्ये निष्काळजीपणा आपल्याला महागात पडू शकते. 

शासनाने जारी केलेल्या नियम व खबरदारीचे पालन करा. वर्कआउट दरम्यान कोरोना टाळण्यासाठी आपल्याला कोणत्या नियमांचे अनुसरण करण्याची आवश्यकता आहे ते तुम्हाला सांगणार आहोत.

सामाजिक अंतर

जर आपण जिममध्ये जात असाल तर सामाजिक अंतर पाळा. वर्कआउट्स दरम्यान हृदयाची गती वाढते आणि आपण वेगाने श्वास घेतो. ज्यामुळे तोंडातील थेंब बाहेर पडून हवेमध्ये फिरतात आणि कोरोनचा प्रसार हवेतून होण्याची शक्यता वाढते. जिममध्ये सामाजिक अंतर राखले पाहिजे.

साहित्य स्वच्छ करा

जर तुम्ही व्यायामशाळेत मशीन वापरत असाल तर उपकरणाचा वापर केवळ स्वच्छता करून करा. सॅनिटायझर फवारुन 1-2 मिनिटानंतरच इन्स्ट्रुमेंट वापरा.

जिममध्ये जास्त वेळ घालवू नका:

आपल्याला फिट ठेवण्यासाठी व्यायामशाळेत 1 तासांची कसरत पुरेसे आहे. आपण जिममधील मित्रांसह 2-3 तास गप्पा मारत व्यायाम केल्यास आपण कोविडच्या संपर्कात येऊ शकता. थोड्या वेळ कसरत करणे आणि लवकरात लवकर जिममधून बाहेर या.

गटात व्यायाम करू नका:

सामान्य दिवसात आपण गटांमध्ये व्यायाम करत होते. पण आता कोरोना वेगाने पसरत असल्याने एकत्र व्यायाम करणं टाळलं पाहिजे.

व्यायाम झाल्यानंतर हात धुवा

तुमचा व्यायाम पूर्ण झाल्यानंतर तुम्ही किमान 30 सेकंद हात व्यवस्थित धुतले पाहिजे. व्यायामशाळेतून बाहेर पडल्यानंतर हँड सॅनिटायझर वापरा.