मीठ कसं करतोय तुमचं आयुष्य कमी, झाला नवा खुलासा

मुंबई : आपल्यापैकी बहुतेकजण जेवणाच्या टेबलावर मीठ घेऊन बसतात. तुम्हाला वाटेल की ते तुमच्या डिशची मीठ चव वाढवत आहे, परंतु चव वाढवण्याऐवजी, ते तुमचे आयुष्य कमी करत तर नाहीये ना. युरोपियन हार्ट जर्नलने प्रकाशित केलेल्या एका नवीन अभ्यासात असे दिसून आले आहे की जे लोक त्यांच्या आहारात मीठ घालतात त्यांना इतर लोकांपेक्षा अकाली मृत्यू (उच्च सोडियम साइड इफेक्ट्स) होण्याची शक्यता 28% जास्त असते.

मिठाचा महिलांच्या आरोग्यावर पुरुषांपेक्षा जास्त परिणाम होतो. जर एखाद्या माणसाचा 50 व्या वर्षी सामान्य मृत्यू होत असेल आणि त्याने अन्नात अतिरिक्त मीठ घेतले तर त्याचे सरासरी आयुष्य 1.5 वर्षांनी कमी होते. दुसरीकडे, महिलाचे आयुष्य 2.28 वर्षांनी कमी झाले आहेत.

अभ्यासात 500,000 लोकांच्या आहाराची तुलना करण्यात आली. हे अगदी स्पष्ट आहे की सोडियमचे जास्त सेवन केल्याने आरोग्य समस्या आणि अकाली मृत्यूची शक्यता वाढते. संशोधनात असे म्हटले आहे की, “अन्नात जास्त मीठ असल्यामुळे होणाऱ्या बहुतेक समस्या अकाली मृत्यू, हृदय व रक्तवाहिन्यासंबंधी रोग आणि कर्करोगाची कारणे आहेत.

आपण सर्वजण आपल्या जेवणात चव वाढवण्यासाठी मीठाचा वापर वाढवतो. पण त्यामुळे चव वाढण्यासोबतच शरीरातील सोडियमचे प्रमाण खूप वाढते. त्यामुळे अनेक प्रकारचे आरोग्य धोक्यात येण्याची शक्यताही वाढते. 

1. स्वयंपाक करताना अतिरिक्त मीठ घालणे टाळा.
2. अन्नात मीठ घालण्यापूर्वी अंदाजे मोजमाप घ्या. तुम्ही एका दिवसात किती सोडियम घेत आहात याची माहिती ते देईल.
3. जेवणाच्या टेबलावर मीठ शेकर कधीही ठेवू नका. मीठाचा वापर कमी करण्याचा हा एक प्रभावी मार्ग आहे.
4. लोणचे, पापड आणि चिप्स यांसारख्या खारट पदार्थांचे सेवन मर्यादित करण्याचा प्रयत्न करा.
5. असे पदार्थ खा ज्यात सोडियमचे प्रमाण फारच कमी असते. सोबत कोणत्याही अन्नाचे पौष्टिक मूल्य न पाहता ते खरेदी करू नका.
6. तुमच्या आहारात नेहमी ताजे, प्रक्रिया न केलेले आणि कमीत कमी प्रक्रिया केलेले पदार्थ समाविष्ट करा. कारण पॅकेट खाद्यपदार्थांमध्ये सोडियमचे प्रमाण खूप जास्त असते.
7. बेकिंग सोडा, सॉस, केचप आणि प्रक्रिया केलेले चीज यांसारख्या पदार्थांमध्ये मीठ जास्त असते. त्यामुळे शरीरात सोडियमचे प्रमाण वाढू शकते. त्यामुळे हे पदार्थ शक्यतो टाळण्याचा प्रयत्न करा.
8. चव घालण्यासाठी मिठाच्या ऐवजी लिंबू आणि मसाल्यांसारखे फ्लेवरिंग एजंट वापरा. अशा प्रकारे तुम्ही तुमच्या जेवणातील मीठाचे प्रमाण कमी करू शकता.