राज्यावर कोरोनाचा धोका कायम; 6 जणांचा संसर्गाने मृत्यू

मुंबई : शुक्रवारी महाराष्ट्रात कोरोना व्हायरसच्या संसर्गाचे 1,997 नवीन रुग्ण आढळले, त्यानंतर एकूण संक्रमित लोकांची संख्या 80,43,519 वर पोहोचली. त्याचवेळी संसर्गामुळे आणखी सहा रुग्णांचा मृत्यू झाल्याने मृतांची संख्या 1,48,097 वर पोहोचली आहे. राज्याच्या आरोग्य विभागाने एक बुलेटिन जारी करून ही माहिती दिली आहे.

संसर्गाच्या नवीन रूग्णांमध्ये पुणे विभागात सर्वाधिक 640 नवीन रुग्णांची नोंद झाली आहे. यानंतर मुंबई विभागात कोरोना विषाणू संसर्गाचे 498 नवीन रुग्ण आढळले आहेत.

आरोग्य विभागाने जारी केलेल्या माहितीनुसार, राज्यात गेल्या 24 तासांत 2,470 लोकांना संसर्गातून मुक्त झाले असून, संसर्गातून बरे झालेल्या लोकांची एकूण संख्या 78,82,236 झाली आहे. राज्यात कोविड-19 वर उपचार घेत असलेल्या रुग्णांची संख्या 13,186 आहे.

दुसरीकडे मुंबईत गेल्या 24 तासांत कोरोना विषाणूच्या साथीचे 290 नवीन रुग्ण आढळले आहेत. त्याचवेळी शहरात एकाचा मृत्यू झाला. सध्या शहरातील सक्रिय रुग्णांची संख्या 1797 झाली आहे. 

मुंबई महापालिकेने दिलेल्या माहितीनुसार, शहरात गेल्या 24 तासांत 298 लोकांनी कोरोनावर मात केली आहे. त्यानंतर आतापर्यंत 11 लाख 2 हजार 760 लोकं बरे झाले आहेत. गेल्या 24 तासांत 9 हजार 202 नमुने तपासण्यात आल्यानंतर शहरातील कोरोना चाचण्यांची संख्या एक कोटी 77 लाख 98 हजार 899 वर पोहोचली आहे.