तिरुअनंतपुरम निवडणुकीत भाजपची ताकद पणाला, विधानसभेसाठीची लिटमस टेस्ट

विधानसभा निवडणुकीआधी भाजपची पडताळणी

Updated: Dec 9, 2020, 11:13 AM IST
तिरुअनंतपुरम निवडणुकीत भाजपची ताकद पणाला, विधानसभेसाठीची लिटमस टेस्ट

तिरुअनंतपुरम : तेलंगणाच्या ग्रेटर हैदराबाद महानगरपालिका निवडणुकीत ४ जागांवर ४८ जागांवर झेप घेतलेल्या भाजपने आता केरळच्या तिरुअनंतपुरम महापालिका निवडणुकीत भाजपने पूर्ण ताकद लावली आहे. तिरुअनंतपुरम महापालिकेत जास्तीत जास्त जागा जिंकण्यासाठी भाजपने जोर लावला आहे. मागील निवडणुकीत येथे त्यांनी 34 जागा जिंकल्या होत्या. पुढच्या वर्षी विधानसभा निवडणुका असल्याने स्थानिक स्वराज्य संस्थांच्या निवडणुका ही भाजपसाठी लीटमस टेस्ट असेल.

तिरुअनंतपुरम महानगरपालिका निवडणूक भाजपसाठी अनेक मार्गांनी महत्त्वाची आहे. लोकसंख्या आणि क्षेत्राच्या दृष्टीने ही महानगरपालिका संपूर्ण राज्यातील सर्वात मोठी महापालिका आहे. जिल्ह्यातील चार विधानसभा मतदार संघात 100 प्रभाग पसरलेले आहेत. गेल्या 15 वर्षांपासून येथे माकप एलडीएफच्या नेतृत्वात सत्तेत आहे. डावे लोकशाही आघाडी, एलडीएफ, युनायटेड डेमोक्रॅटिक फ्रंट, यूडीएफ आणि नॅशनल डेमोक्रॅटिक अलायन्स, एनडीए यांच्यातील लढतीमुळे ही निवडणूक रंजक बनली आहे. काहीही झाले तरी या वेळी स्पष्ट बहुमताने भाजपला महापौरपद मिळवायचे आहे. या माध्यमातून ते एलडीएफकडून सत्ता घेण्याचा आणि आगामी विधानसभा निवडणुकीत तिरुअनंतपुरममधील चार विधानसभा जागांवर आपल्या उमेदवाराचा विजय सुनिश्चित करण्याचा प्रयत्न करत आहेत. गेल्या विधानसभा निवडणुकीत भाजपला केवळ एका जागेवर समाधान मानावे लागले.

भाजपला सर्वात मोठा धक्का त्यावेळी बसला जेव्हा वट्टीयूरकवू पोटनिवडणुकीत मिझोरमच्या राज्यपालपदाचा राजीनामा दिलेले राजशेखरन यांचा पराभव झाला. यानंतर पक्षाने तिरुअनंतपुरम महानगरपालिका निवडणुका पूर्ण ताकदीने लढवण्याची योजना आखली, जेणेकरून आगामी विधानसभा निवडणुकीपूर्वी कार्यकर्त्यांचे मनोधैर्य उंचावेल. असे म्हणतात की स्थानिक निवडणुकांमध्ये संघाचे नेते अप्रत्यक्षपणे भाजपा नेत्यांना मार्गदर्शन करत आहेत. काही बंडखोरांनी आवाज उठविला असला तरी, कोणताही मोठा असंतोष समोर आला नाही.

राज्यातील सर्व स्थानिक स्वराज्य संस्थांकरिता उमेदवार निवडण्यात भाजपा पूर्णपणे काळजी घेत आहे. तिरुअनंतपुरममध्ये बरीच खबरदारी घेतली गेली. 

केरळमध्ये तिरुवनंतपुरम, कोल्लम, पठानमथिट्टा, अलाप्पुझा आणि इडुक्की येथे ८ डिसेंबरला मतदान झालं. केरळमध्ये ३ टप्प्यात मतदान होत आहे. आता १० आणि १४ डिसेंबरला दुसऱ्या आणि तिसऱ्या टप्प्यातील मतदान होणार आहे.