Adhir Ranjan Chowdhury Statement: राष्ट्रपतींबाबत कॉंग्रेस खासदाराचा आक्षेपार्ह शब्द; संसदेत तीव्र प्रतिक्रीया

BJP Attacks Adhir Ranjan Chowdhury: कॉंग्रेस खासदार अधीर रंजन चौधरी यांनी राष्ट्रपती द्रौपदी मुर्मू यांच्याबाबत वादग्रस्त शब्द वापरला. चौधरी यांनी मुर्मू यांना 'राष्ट्रपत्नी' शब्दाचा वापर केला. चौधरी यांच्या शब्दावर भाजपने तीव्र आक्षेप घेत 'हे शब्द घृणास्पद तसेच सर्व मुल्ये आणि संस्कारांना काळीमा फासणारे असल्याचे' म्हटले आहे.

देशाच्या घटनात्मक सर्वोच्च पदावर बसलेल्या अदिवासी महिलेचा अपमान केल्याने कॉंग्रेसने माफी मागावी अशी मागणी भाजपने केली आहे.

भाजपचा हल्लाबोल

अधीर रंजन चौधरी यांनी बुधवारी एका खासगी वाहिनीच्या कार्यक्रमात राष्ट्रपती मुर्मू यांना 'राष्ट्रपत्नी' असे संबोधले होते. केंद्रीय मंत्री स्मृती इराणी म्हणाल्या, 'द्रौपदी मुर्मू यांना राष्ट्रपत्नी म्हणून संबोधणे हे संस्कार आणि मूल्यांच्या विरोधात आहे. हे विधान सर्वोच्च घटनात्मक पदाच्या प्रतिष्ठेला धक्का देणारे आहे. काँग्रेसच्या एका पुरुष नेत्याने हे घृणास्पद कृत्य केले आहे.

त्यांनी काँग्रेसचे वर्णन आदिवासी, गरीब आणि महिला विरोधी पक्ष असे केले. द्रौपदी मुर्मूला राष्ट्रपतीपदाची उमेदवार बनवल्यापासूनच काँग्रेस तिची थट्टा करत आहे आणि या क्रमाने तिला कधी कठपुतली तर कधी अशुभ आणि अशुभाचे प्रतीक म्हणत असल्याचा आरोप त्यांनी केला.

स्मृती इराणी म्हणाल्या, "मुर्मू यांनी ऐतिहासिक निवडणूक जिंकल्यानंतर, एक आदिवासी, गरीब महिला देशाच्या सर्वोच्च घटनात्मक पदाला शोभते हे सत्य काँग्रेसला अजूनही मान्य नाही."

इराणी पुढे म्हणाल्या की, "काँग्रेस इतक्या खाली घसरली आहे. देशाच्या सर्वोच्च घटनात्मक पदाच्या व्यक्तीचा अनादर करणे. तिच्या प्रतिष्ठेला धक्का पोहोचण्याचे काम करीत आहे. '' काँग्रेस आणि त्यांच्या नेत्यांनी संसदेत आणि रस्त्यावर उतरून देशाच्या प्रथम नागरिकाची आणि देशाची माफी मागावी, असे इराणी म्हणाल्या.