महाराष्ट्राला लागून असलेल्या या राज्यात कोर्टाचे लॉकडाऊनचे निर्देश

मुंबई : देशात कोरोना रुग्णांमध्ये होणारी वाढ आता सरकारसाठी डोकेदुखी ठरत आहे. रुग्णांची होणारी वाढ नियंत्रणात आणण्यासाठी उपाययोजना केल्या जात आहेत. पण त्या अपुऱ्या पडत आहेत. कडक निर्बंध लावल्यानंतरही अनेक ठिकाणी त्याचं पालन होत नाहीये. देशातील 8 राज्यांमध्ये कोरोना फैलावतोय. महाराष्ट्रात परिस्थिती गंभीर होत चालली आहे. कारण देशात कोरोनाचा सर्वाधिक संसर्ग हा महाराष्ट्रात वाढत आहे.

महाराष्ट्राला लागून असलेल्या गुजरातमध्ये देखील कोरोनाचा संसर्ग वाढू लागला आहे. कोरोना व्हायरसबाबतची परिस्थिती लक्षात घेत उच्च न्यायालयाने वीकेंड कर्फ्यू आणि तीन दिवस लॉकडाउन लावण्याच्या सूचना दिल्या आहेत. कोर्टाच्या निर्देशांनतर आता याबाबत आढावा घेऊन राज्य सरकार निर्णय घेणार आहे. गुजरातमध्ये दररोज अडीच ते तीन हजार रुग्ण वाढत आहेत.

गुजरात उच्च न्यायालयात कोरोना संक्रमणाबाबत सुरू असलेल्या सुनावणीदरम्यान, तीन ते चार दिवसांचा लॉकडाउन आणि शनिवार व रविवारच्या कर्फ्यूचा विचार केला पाहिजे, असे उच्च न्यायालयाने म्हटलं आहे. राज्यातील बड्या शहरांमधील कोरोना प्रकरणे लक्षात घेता कोर्टाने सरकारला सूचना दिल्या आहेत. राज्यातील सरकारी, राजकीय, सामाजिक, धार्मिक कार्यक्रम आणि कार्यक्रमांवर पूर्ण बंदी आणली पाहिजे, असेही कोर्टाने म्हटले आहे.

उल्लेखनीय आहे की महानगरपालिका जिल्हा व तहसील पंचायत निवडणुकीत केवळ फेब्रुवारी-मार्चमध्ये झालेल्या निवडणुका झाल्यानंतर राज्यात कोरोनाव्हायरसचा संसर्ग झपाट्याने पसरत आहे. राज्यातील कोरोनाला आळा घालण्यासाठी सरकार पुन्हा एकदा सर्व आवश्यक उपाययोजना करीत आहे, परंतु असे असूनही रुग्णांची संख्या सातत्याने वाढत आहे. या प्रकरणाची सुनावणी सुरू असताना हायकोर्टाने सरकारला कोणत्याही प्रकारची हलगर्जीपणा करु नये आणि आठवडा व कर्फ्यू लावण्याची गरज असल्याचं सांगितलं आहे.

कोर्टाच्या निर्देशानुसार आढावा घेऊन राज्य सरकार निर्णय घेणार आहे. स्थानिक स्वराज्य संस्थांच्या निवडणुकांनंतर येत्या काही दिवसांत गांधी नगर महानगरपालिकेच्या निवडणुकादेखील होत आहे. हायकोर्टाच्या निर्देशानंतर गांधीनगर महानगरपालिका निवडणुकीतही मार्गदर्शक सूचना पाळाव्या लागतील.