EPFO Alert | 31 डिसेंबरपूर्वी पूर्ण करा ही महत्वाची कामं, नाहीतर 7 लाखांचे नुकसान

मुंबई : नवीन वर्ष सुरू होणार आहे. सर्वत्र नवीन वर्षाची जय्यत तयारी सुरू आहे. अशा परिस्थितीत नोकरदारांसाठी एक महत्त्वाची बातमी आहे. कर्मचारी भविष्य निर्वाह निधी संघटना (EPFO) ने आपल्या सदस्यांना 31 डिसेंबरपूर्वी ई-नॉमिनेशन करण्याचा सल्ला दिला आहे.

तुम्ही असे न केल्यास तुमचे 7 लाखांचे नुकसान होऊ शकते. तुम्हाला सांगतो, ईपीएफओच्या ई-नॉमिनेशनद्वारे खातेधारकाच्या कुटुंबाला सामाजिक सुरक्षा मिळते. EPF/EPS साठी सदस्य ई-नामांकन कसे दाखल करू शकतात ते समजावून घेऊ.

तुमचे पैसे अडकण्याची शक्यता

EPFOच्या मते, जर तुम्ही नॉमिनी निश्चित केले नाही तर तुमचा फंड अडकू शकतो. EPFO ने गेल्या वर्षी ही सेवा सुरू केली होती. मात्र खातेदारांनी नामांकन प्रक्रिया पूर्ण केलेली नाही.

पण, आता EPFO ​​यामध्ये नवीन नियोजन करत आहे. या अंतर्गत, जर एखाद्या खातेदाराने त्याच्या पीएफ खात्यात नॉमिनी जोडला नाही, तर तो पीएफची रक्कम काढू शकणार नाही.

यामुळे कोणताही दावा निकाली निघणार नाही. दावा करण्यापूर्वी ई-नामांकन अनिवार्य आहे.

7 लाख रुपयांची सुविधा उपलब्ध

EPFO सदस्यांना एम्प्लॉई डिपॉझिट लिंक्ड इन्शुरन्स स्कीम (EDLI इन्शुरन्स कव्हर) अंतर्गत विमा संरक्षणाची सुविधा देखील मिळते. या योजनेत, नॉमिनीला कमाल 7 लाख रुपयांचे विमा संरक्षण दिले जाते.

नामनिर्देशन न करता सदस्याचा मृत्यू झाल्यास दाव्याची प्रक्रिया करण्यात अडचणी येतात. 

असे करा ई नॉमिनेशन

1. तुम्हाला प्रथम EPFO ​​च्या अधिकृत वेबसाइट https://www.epfindia.gov.in/ वर जावे लागेल.
2. येथे 'Services' पर्यायावर क्लिक करा.
3. यानंतर  येथे 'For Employees' वर क्लिक करावे लागेल.
4. आता 'सदस्य UAN/ऑनलाइन सेवा (OCS/OTCP)' वर क्लिक करा.
5. आता UAN आणि पासवर्ड टाकून लॉग इन करा.
6. यानंतर 'मॅनेज' टॅबमध्ये 'ई-नामांकन' निवडा.
7. यानंतर स्क्रीनवर 'Provide Details' टॅब दिसेल, 'Save' वर क्लिक करा.
8. कुटुंब घोषणा अपडेट करण्यासाठी 'YES' वर क्लिक करा.
9. आता 'कौटुंबिक तपशील जोडा' वर क्लिक करा. एकापेक्षा जास्त नॉमिनी देखील जोडले जाऊ शकतात.
10. कोणत्या नॉमिनीच्या शेअरमध्ये किती रक्कम येईल हे घोषित करण्यासाठी 'नामांकन तपशील' वर क्लिक करा. तपशील टाकल्यानंतर 'सेव्ह' करा
11. 'EPF नामांकन' वर क्लिक करा.
13. OTP जनरेट करण्यासाठी 'ई-साइन' वर क्लिक करा. आधारशी लिंक केलेल्या मोबाईल नंबरवर OTP पाठवला जाईल.
14. निर्दिष्ट जागेत OTP प्रविष्ट करा आणि सबमिट वर क्लिक करा.