पेट्रोल-डिझेलच्या वाढत्या दरांबाबत कसा मिळणार दिलासा, गडकरींनी सांगितला मार्ग

मुंबई : देशात पेट्रोल आणि डिझेलचे दर आता अशा पातळीवर पोहोचले आहेत की लोक आता संतापले आहेत. रस्ते वाहतूक मंत्री नितीन गडकरी यांनीही हे मान्य केले आहे की पेट्रोल आणि डिझेलच्या दरात सातत्याने वाढ झाल्याने लोक संतप्त आहेत. तेलाच्या वाढत्या किंमतींचा परिणाम समाजातल्या प्रत्येक भागावर झाला आहे. त्य़ाच्याकडे गाडी नसली तरी.

नितीन गडकरी यांनी नेहमीच एलएनजी, सीएनजी आणि इथेनॉल सारख्या हिरव्या इंधनांचा वापर करण्याचा सल्ला दिला आहे.. पेट्रोल आणि डिझेलच्या वाढत्या किंमतींना रोखण्यासाठी केवळ पर्यायी इंधनांचा वापरहाच पर्याय असून त्यामुळे दिलासा मिळेल असं म्हटलं आहे. पेट्रोल आणि डिझेलच्या किंमती वाढल्यामुळे सध्या लोक प्रचंड संतापले आहेत. गडकरी म्हणाले की, देशातील पेट्रोल, डिझेल आणि पेट्रोलियम पदार्थांच्या आयातीवर सुमारे 8 लाख कोटी रुपये खर्च केले जात आहेत, जे एक मोठे आव्हान आहे.

रविवारी महाराष्ट्रातील नागपूरमध्ये देशातील पहिल्या व्यावसायिक लिक्विफाइड नॅचरल गॅस (एलएनजी) सुविधेचे उद्घाटन करताना नितीन गडकरी म्हणाले की, एलएनजी, सीएनजी किंवा इथेनॉल सारख्या पर्यायी बायो-इंधनांचा वापर वाढल्यास पेट्रोलच्या वाढत्या किंमतींपासून दिलासा मिळेल. वाहनांमध्ये इंधन म्हणून इथॅनॉल वापरण्याच्या फायद्यांबद्दल गडकरी म्हणाले की, पेट्रोलच्या तुलनेत कमी उष्मांक असूनही ते प्रतिलिटर किमान २० रुपये वाचविण्यात मदत करेल.

लवकरच फ्लेक्स इंधन धोरण

याआधीही नितीन गडकरी यांनी फ्लेक्स इंधनाची माहिती दिली होती. ते म्हणाले होते की भारतातील वाहन उत्पादकांना लवचिक इंधनास मदत करणारी इंजिन बनविणे बंधनकारक केले जाईल. गडकरी म्हणाले की, त्यांचे मंत्रालय पर्यायी इंधनांवर सतत काम करत आहे. वाहन उत्पादक, विशेषत: दुचाकी आणि चारचाकी वाहनांसाठी फ्लेक्स इंजिन अनिवार्य करण्याचा निर्णय तीन महिन्यांत घेण्यात येईल. रस्ते आणि वाहतूक मंत्री नितीन गडकरी यांनी सांगितले होते की, या पर्यायी इंधनाची किंमत प्रतिलिटर 60-62 रुपये असेल तर पेट्रोलची किंमत प्रति लिटर 100 रुपयांपेक्षा जास्त आहे. त्यामुळे इथेनॉल वापरुन देशातील जनता प्रतिलिटर 30 ते 35 रुपयांची बचत करू शकेल. लवकरच सरकार फ्लेक्स इंधनाबाबत धोरण आणणार आहे.

चारही मेट्रो शहरांमध्ये पेट्रोल 101 रुपये 

देशातील बर्‍याच राज्यांत पेट्रोल आणि डिझेलची किंमत प्रतिलिटर 100 रुपयांच्या पुढे गेली आहे. या एका वर्षातच पेट्रोल 20 रुपयांपेक्षा अधिक महाग झाले आहे. दिल्ली, मुंबई, कोलकाता आणि चेन्नई या चार मेट्रो शहरांमध्ये पेट्रोल 101 रुपयांच्या पलीकडे गेले आहे. ज्या प्रकारे कच्च्या तेलाचे दर वाढत आहेत, त्यामुळे या दरांमध्ये घट होण्याची शक्यता नाही.

जीएसटी शेल्फमध्ये आणण्यासाठी सूचना

अर्थमंत्री निर्मला सीतारमण यांनीही पेट्रोलियम पदार्थांना जीएसटीच्या कक्षेत आणण्याची चर्चा केली होती, पण त्या म्हणाल्या होत्या की जीएसटीच्या कक्षेत पेट्रोल आणि डिझेल करावेत असा प्रस्ताव सर्व राज्यांकडून आला तर हे केले पाहिजे. पण अजून तसे झालेले नाही.