बुडलेल्या मुलाला वाचवायला गेले आणि डझनभर लोकं विहिरीत कोसळले!

मध्यप्रदेश : मध्य प्रदेशातल्या विदिशा जिल्ह्यातल्या गंजबासोदा भागात दोन डझनहून अधिक लोक खोल विहिरीत पडले. मिळालेल्या माहितीनुसार आतापर्यंत 20 जणांना वाचवण्यात यश आलं आहे. एनडीआरएफ आणि एसडीआरएफच्या पथकाकडून बचावकार्य सुरु आहे. 

मिळालेल्या माहितीनुसार एक 14 वर्षांचा मुलगा विहिरीत पडला. त्याला वाचवण्यासाठी विहिरीबाहेर लोकांची मोठी गर्दी झाली. गर्दीमुळे विहिरीचा कठाडा तुटला आणि अनेक लोक खोल विहिरीत कोसळले. आतापर्यंत 20 लोकांना वाचवण्यात यश आलं असून त्यांना उपचारासाठी रुग्णालयात भरती करण्यात आलं आहे. 

अजूनही पाच जण विहिरीत अडल्याची माहिती असून त्यांना वाचवण्यासाठी शर्थीचे प्रयत्न करण्यात येत आहेत. मुख्यमंत्री शिवराज चौहान यांनी तात्काळ मदतीचे आदेश दिले आहेत. 

Madhya Pradesh: At least 15 people fall into a well in Ganjbasoda area in Vidisha

"Teams of NDRF & SDRF have left for the incident site from Bhopal. District collector & SP are on the spot. I've directed guardian minister Vishwas Sarang to reach there," says CM SS Chouhan pic.twitter.com/py2luXsvxN

— ANI (@ANI) July 15, 2021