'या' गावात प्रत्येकाच्या खात्यात 15 लाख, तुमच्या खात्यात पैसे आले?

मुंबईः भारतात एक असे गाव आहे जिथे प्रत्येक व्यक्ती करोडपती आहे. हे गाव तितकेसे प्रसिद्ध नसलं तरी या गावातील प्रत्येक व्यक्तीच्या खात्यात 15 लाखांहून अधिक रुपये जमा आहेत, त्यामुळे हे गाव जगातील सर्वात श्रीमंत गावांपैकी एक मानले जाते.

जगात अशी अनेक ठिकाणे आहेत ज्यात काहीतरी वेगळेपण आहे. तसेच अशी अनेक ठिकाणे आहेत ज्यांच्याबद्दल लोकांना कमी माहिती आहे. असेच एक गाव म्हणजे माडपार. हे गाव कच्छ, गुजरातमध्ये वसलेलं आहे.

या गावाबद्दल अनेक अनोख्या गोष्टी आणि किस्से लोकांना सांगितले जातात. या गावाबाबत एक गोष्ट अशी आहे जी पहिल्यांदा ऐकून सर्वांनाच आश्चर्य वाटेल. वास्तविक, हे गाव जगातील सर्वात श्रीमंत गावांपैकी एक मानले जाते.

माडपारमध्ये सुमारे 17 बँका आहेत आणि येथील प्रत्येक व्यक्तीच्या खात्यात 15 लाखांपेक्षा जास्त रक्कम जमा आहे. यासोबतच येथे शाळा-कॉलेज, हॉस्पिटलचीही चांगली सोय आहे. एवढेच नाही तर या गावात तलाव आणि उद्यानेही आहेत.

हे गाव खूप श्रीमंत असण्यामागे एक खास कारण आहे. वास्तविक, येथील बहुतांश लोक परदेशात राहतात. त्याचबरोबर अनेक वर्षे परदेशात राहून काही लोक माडपार येथे परतले असून येथे व्यवसाय करून भरपूर पैसे कमावले आहेत

रिपोर्ट्सनुसार, माडपारमधील सुमारे 65 टक्के लोक एनआरआय आहेत.1968 मध्ये लंडनमध्ये माडपार व्हिलेज असोसिएशनची स्थापना झाली या माहितीवरून याचा अंदाज येतो. तेथे मोठ्या संख्येने माडपार लोक राहत असल्याने ते तयार झाले.

या सर्वांना एकमेकांशी जोडून ठेवण्यासाठी ही संघटनाही स्थापन करण्यात आली. आजही या गावातील लोक मोठ्या संख्येने परदेशात राहतात आणि हे लोक आपल्या कुटुंबियांना मोठी रक्कम पाठवतात. यामुळेच येथील प्रत्येक व्यक्तीच्या खात्यात 15 लाखांहून अधिक रुपये आहेत.