PM नरेंद्र मोदींचा उद्यापासून इटली आणि ब्रिटन दौरा, G-20 शिखर परिषदेत होणार सहभागी

नवी दिल्ली : पंतप्रधान नरेंद्र मोदी उद्या शुक्रवारपासून इटली आणि ब्रिटनच्या 5 दिवसांच्या दौऱ्यावर जाणार आहेत. पंतप्रधानांचा हा दौरा 29 मे ते 2 नोव्हेंबरपर्यंत असेल. पंतप्रधान 29 ते 31 मे दरम्यान इटलीमध्ये असतील आणि G-20 शिखर परिषदेत सहभागी होतील, त्यानंतर ग्लासगो, UK येथे होणाऱ्या हवामान बदल परिषदेत सहभागी होतील. परराष्ट्र सचिव हर्ष श्रृंगला यांनी पंतप्रधानांच्या दौऱ्याची माहिती दिली. 

इटलीमध्ये होणाऱ्या G-20 परिषदेचे मुख्य मुद्दे अर्थव्यवस्था, कोरोनानंतरची सुधारणा आणि हवामान बदल हे आहेत.

इटली आणि ब्रिटनच्या पंतप्रधानांशी द्विपक्षीय चर्चेशिवाय पंतप्रधान व्हॅटिकनमध्ये पोप यांचीही भेट घेणार आहेत. पंतप्रधान मोदी त्यांच्या परदेश दौऱ्यावर सौदी अरेबियाचे क्राउन प्रिन्स आणि इंडोनेशियाच्या राष्ट्रपतींसोबत द्विपक्षीय बैठकही घेणार आहेत. इटली-यूके दौऱ्याच्या अगोदर, पंतप्रधान मोदी म्हणाले की ते 29-31 ऑक्टोबर दरम्यान इटली आणि 1-2 नोव्हेंबर रोजी व्हॅटिकन सिटी, यूकेला भेट देणार आहेत. 

रोममध्ये होणाऱ्या G20 शिखर परिषदेला ते उपस्थित राहणार असल्याचे त्यांनी सांगितले. यासोबतच G-20 मध्ये जागतिक अर्थव्यवस्था, आरोग्य सुधारणे आणि हवामान बदल या विषयावरील चर्चेत सहभागी होणार असल्याचे पंतप्रधान मोदींनी सांगितले.

पंतप्रधान पोप फ्रान्सिस यांचीही भेट घेणार आहेत

पीएम मोदी म्हणाले की, कोरोनानंतर जी-20 ची ही पहिलीच प्रत्यक्ष परिषद असेल. या परिषदेदरम्यान सध्याच्या जागतिक परिस्थितीचा आढावा घेण्याची संधी मिळणार असल्याचे पंतप्रधानांनी सांगितले. पंतप्रधान मोदी व्हॅटिकन सिटीला भेट देणार असून पोप फ्रान्सिस यांचीही भेट घेणार आहेत. G-20 परिषदेदरम्यान ते इतर देशांच्या नेत्यांनाही भेटतील आणि द्विपक्षीय संबंधांच्या प्रगतीचा आढावा घेणार असल्याचे पंतप्रधान मोदींनी सांगितले. ग्लासगो येथे होणाऱ्या हवामान बदलावरील जागतिक नेत्यांच्या परिषदेत सहभागी होणार असल्याचे पंतप्रधान मोदी यांनी सांगितले.