व्हिस्तारा एअरलाईनची ऑफर - अवघ्या १०९९ रूपयामध्ये विमानप्रवास
सोमवारी 'व्हिस्तारा'ने त्यांच्या तिसर्‍या अ‍ॅनिव्हरसरीचं औचित्य साधून खास ऑफर जाहीर केली आहे. व्हिस्ताराने ऑल इन्क्लुजिव्ह १०९९ रूपयांमध्ये विमानप्रवास करण्याची संधी दिली आहे.
)
मुंबई : सोमवारी 'व्हिस्तारा'ने त्यांच्या तिसर्‍या अ‍ॅनिव्हरसरीचं औचित्य साधून खास ऑफर जाहीर केली आहे. व्हिस्ताराने ऑल इन्क्लुजिव्ह १०९९ रूपयांमध्ये विमानप्रवास करण्याची संधी दिली आहे.
काय आहे ऑफर
९ जानेवारी म्हणजेच आजच्या दिवशी व्हिस्ताराची तिसरी अ‍ॅनिव्हरसरी आहे. यानुसार ऑफरमध्ये इकॉनॉमी क्लास १०९९, प्रिमियम इकॉनॉमी क्लास २५९९ आणि बिजनेस क्लास ७४९९ रूपयांमध्ये उपलब्ध होणार आहे.
कधी आहे ऑफर
आज ( 9 जानेवारी) २४ तास तुम्ही ( रात्री २३.५९) तुम्ही विमानाची तिकीटं बुक करू शकणार आहात. १७ जानेवारी ते १८ एप्रिल २०१८ दरम्यानची तिकिटं या काळात बुक करण्याची संधी मिळणार आहे. किमान ८ दिवस आधीचं बुकिंग तुम्ही या ऑफरमध्ये करू शकणार आहे.
कोठे करू शकाल प्रवास ?
भारतामध्ये २२ ठिकाणी प्रवास करण्याची संधी ग्राहकांना मिळणार आहे. यामध्ये गोवा, कोची, नवी दिल्ली, लखनऊ, पोर्ट ब्लेअर, चेन्नई अशा ठिकाणी प्रवास करू शकणार आहेत.
गेल्या ३ वर्षांमध्ये २२ ठिकाणी विमानसेवा सुरू करण्यात आली आहे. यामध्ये आठवडाभरात ७०० विमानं आकाशात झेपावतात. आतापर्यंत व्हिस्ताराने ७ मिलियन ग्राहकांना विमानसेवा दिली आहे.