तुम्हीसुद्धा रस्त्यावरचं व्हेज मंच्युरिअन खाता, 'सत्य कळल्यावर हादराल! या' शहरात आणली बंदी...

Gobi Manchurian Ban : सध्या चायनिज पदार्थाची सर्वानाच चटक लागली आहे. बाहेर जेवायला जायचे म्हटले की बरेच जण चायनिज खाण्याचाच (Chinese Dish) बेत करतात. पण चायनिज पदार्थाचे अतिसेवन आरोग्यासाठी धोकादायक आहे. चायनिज पदार्थाची तर सध्या सर्वानाच चटक लागली आहे. गोबी मंच्युरिअन (Gobi Manchurian) आवडीने खाल्ले जातात. रस्त्याच्या कडेला फुटपाथवर गल्लोगल्ली मिळणारे चायनिज पदार्थ हल्ली सगळीकडे पाहिला मिळतात. रस्त्यावरचे हे चायनिज पदार्थ सहज आणि स्वस्तात उपलब्ध असल्यामुळे तेच खाण्याकडे बहुतेकांचा कल असतो. हॉटेल्स आणि रेस्टॉरन्टच्या तुलनेत हे पदार्थ स्वस्तात द्यायचे म्हटलं की त्यात अनेक तडजोडी केल्या जातात. यसाठी निकृष्ट दर्जाचे तेल आणि भाज्या वापरल्या जातात.

गोबी मंच्युरिअनची चटक
चायनिज पदार्थांमध्ये सर्वांचा आवडता पदार्थ म्हणजे गोबी मंच्युरिअन. पण हाच पदार्ण आरोग्यासाठी सर्वाधिक धोकादायक आहे. गोव्यात म्हापसा शहरात गोबी मंच्युरिअन विक्रीवर बंदी आणण्यात आली आहे. यापुढे म्हापसा (Goa Mhapsa) शहरातील कोणत्याही हॉटेलमध्ये किंवा रस्त्यावर गोबी मंच्युरिअन विकता येणार नाही. 

म्हापसा शहराचे आमदार तारख अरोलकर यांनी गेल्या महिन्यात बोडगेश्वर मंदिर यात्रेत गोबी मंच्युरिअनवर बंदी आणण्याची सूचना केली होती. यावर इतर आमदारांनीही सहमती दर्शवली. त्यानंतर एकमताने या डिशवर बंदी घालण्यात आली. पण ही पहिलीच वेळ नाहीए. याआधी 2022 मध्ये गोभी मंच्युरिअनवर बंदी घालण्यात आली होती.

बंदीचं कारण काय?
गोबी मंच्युरिअनवर बंदी आणण्याचं सर्वात मोठं कारण म्हणजे यात सिंथेटिक रंगाचा वापर केला जातो. गोभी मंच्युरिअनमध्ये सिंथिटेक रंगाचा जास्त प्रमाणात वापर केला जातो. या पदार्थाचा रंग जास्त लालभडक दिसावा आणि चटकदार दिसावा यासाठी सिंथेटिक रंग मिसळला जातो. सिंथेटिक रंग आरोग्यासाठी नुकसानकारक आहे. धक्कादायक म्हणजे गोभी मंच्युरिअनसाठी जो सॉस वापरला जातो. तो बनवण्यासाठी चक्क वॉशिंग पावडरचा वापर केला जातो.

चटणी आणि स्वच्छेतवरही प्रश्न
सर्वात महत्त्वाची गोष्ट म्हणजे रस्त्यावरेच पदार्थ खाताना कोणतीही स्वच्छता बाळगली जात नाही. चायनिज पदार्थ बनवण्यासाठी वापरली जाणारी भांडी आणि खराटाही किळसवाणी असतात. याशिवाय चायनिज पदार्थांसाठी वापरली जाणारी चटणी, पाणी आणि तेलही दुय्यम दर्जाचं असतं. अनेकवेळा गोबी मंच्युरिअन बनवण्यासाठी सडक्या कोबीचा वापर केला जातो. त्यासोबत दिली जाणारी चटणीही खराब दर्जाची असते. अन्न आणि औषध प्रशासनकडून अनेकवेळा रस्त्यावरच्या चायनिज गाड्यावंर छापे टाकलेत. या छाप्यातच गोभी मंच्युरिअनसाठी सिंथेटिक रंगाचा वापर केला जात असल्याचं समोर आलं आहे.