ट्रक - तवेरा भीषण अपघातात 5 जणांचा जागीच मृत्यू

नागपूर :  Truck - Tavera accident at Nagpur : नागपूर - उमरेड मार्गावर भरधाव तवेराची ट्रकला धडक लागून भीषण अपघात झाला आहे. या अपघातात तवेराचा चक्काचूर झाला असून पाच जणांचा जागीच मृत्यू झाला तर अपघातात दोघे गंभीर जखमी झालेत. नागपूर उमरेड मार्गावर विहीरगाव जवळ हा अपघात झाला. मृतांमध्ये एका महिलेसह चार पुरुषांचा समावेश आहे. या अपघातातील दोघा जखमींवर उपचार सुरु आहेत. 

 नागपूर - उमरेड मार्गावर विहीरगाव जवळ भरधाव तवेरा कारने ट्रकला धडक दिली. ही धडक इतकी जोरदार होती की अपघातामध्ये तवेरा कारचा चक्काचूर झाला.  या अपघातामध्ये पाच जणांचा जागीच मृत्यू झाला. ट्रकला ओव्हरटेक करण्याच्या नादात तवेरा ट्रक वर जाऊन आदळली आणि समोरचा भाग चक्काचूर झाला.