दिग्रस वनक्षेत्रात शिकाऱ्यांचा धुमाकूळ, वन्य प्राण्यांवर गोळीबार

यवतमाळ : येथे शिकाऱ्यांनी धुमाकूळ घातल्याची बाब समोर आली आहे. यवतमाळच्या दिग्रस वनक्षेत्रात शिकाऱ्यांनी वन्य प्राण्यांवर गोळीबार केला. बंदूक आणि धारदार शस्त्रांसह हे शिकारी जंगलात घुसले होते. त्यापैकी ६ शिकाऱ्यांना पकडण्यात वन खात्याला यश आले आहे. यावेळी झालेल्या झटापटीत दोन वन कर्मचारी जखमी झाले आहेत. जिवंत काडतुसांसह सहा वाहन त्यांच्याकडून जप्त करण्यात आलीत.