तटरक्षक दलाचे हेलिकॉप्टर मुरुड किनारी कोसळले

छायाचित्र : आयएएनएस

मुंबई : भारतीय तटरक्षक दलाचे एक हेलिकॉप्टर रायगड जिल्ह्यातील मुरुड समुद्र किनारी कोसळले. या अपघातात ४ जण जखमी झालेत. यात महिला पायलट गंभीर आहे.

लॅंडिंग करताना कोसळले

तटरक्षक दलाचे हेलिकॉप्टर गस्तीवर असताना हा अपघात झाला. मुरुडजवळच्या नांदगाव येथे लॅंडिंग करताना समुद्र किनारी कोसळले. या हेलिकॉप्टरमधून ४ जण प्रवास करीत होते. यात एक महिला पायलट गंभीर असून इतर तीन जण किरकोळ जखमी झाले आहेत. या महिला कर्मचाऱ्याला नौदलाच्या हेलिकॉप्टरने उपचारांसाठी मुंबईला हलवण्यात आले आहे.  

Photo of Indian Coast Guard helicopter that made a hard landing near Murud's Nandgaon in Raigad district. All 4 crew members of the helicopter rescued & flown back to the Naval Hospital INHS Asvini at Mumbai. pic.twitter.com/dT6JvBL54V

— ANI (@ANI) March 10, 2018

नौदलाचे एक पथकही मदतीसाठी

दरम्यान, मुरुडचे तहसीलदार उमेश पाटील हे घटनास्थळी पोहोचले असून अपघाताची माहिती घेत आहेत. त्याचबरोबर नौदलाचे एक पथकही मदतीसाठी नांदगावला दाखल झाले आहे. हा अपघात कसा झाला, याची माहिती देण्यात आलेली नाही.

Indian Coast Guard helicopter crashes near Murud's Nandgaon in Raigad district.
More details awaited. #Maharashtra pic.twitter.com/QIrJmtnorz

— ANI (@ANI) March 10, 2018