12 Jan 2024, 23:08 वाजता
फडणवीस शूर्पणखेच्या भूमिकेत- संजय राऊत
Sanjay Raut vs Nitesh Rane : फडणवीस हे शूर्पणखेच्या भूमिकेत शिरून महाराष्ट्राची दिशाभूल करतायत...नाशिकमधील शिवसेनेचं अधिवेशन हे शूर्पणखेचं नाक कापण्यासाठीच आहे...2024 च्या निवडणुकीत शूर्पणखेचं नाक कापणारच असं म्हणत राऊतांनी फडणवीसांवर निशाणा साधलाय...तर फडणवीस यांनी जाळलेली लंका कशी वाचवता येईल यावर नाशिकच्या शिबिरात मंथन करावे असा टोला नितेश राणेंनी लगावलाय...
बातमीचा व्हिडीओ पाहा-
12 Jan 2024, 22:26 वाजता
70 वर्षांवरील खासदारांना भाजपचा डच्चू?
BJP : वयाची सत्तरी पार केलेल्या भाजप खासदारांना आगामी लोकसभा निवडणुकीत डच्चू देण्यात येणार असल्याचं समजतंय... लोकसभा उमेदवारीसाठी भाजपनं हा नवा फॉर्म्युला ठरवल्याची चर्चा आहे.. कर्नाटक भाजपनं हा फॉर्म्युला सुचवला असून, तो देशभरात राबवला जाणार असल्याचं समजतंय.. हा फॉर्म्युला महाराष्ट्रात लागू झाल्यास सुभाष भामरे आणि रामदास तडस यांची उमेदवारी धोक्यात येण्याची शक्यता आहे.
12 Jan 2024, 19:33 वाजता
पिंपरीत मेट्रो अचानक पडली बंद
Pimpri Metro : पिंपरीत मेट्रो अचानक बंद पडलीय. पिंपरी स्टेशनवरुन निघालेली मेट्रो कासारवाडीत थांबवण्यात आलीय. इलेक्ट्रिक वायर हेडचा वीजपुरवठा खंडित झाल्यानं मेट्रोची पिंपरी स्टेशनवरुन निघालेली मार्गिका बंद करण्यात आलीय. वीज पुरवठा नेमका कुठून बंद झाला, याचा शोध घेतला जातोय. सध्या मेट्रोची एक मार्गिका बंद आहे.
12 Jan 2024, 18:05 वाजता
'आधीच्या सरकारांनी स्वतःच्या तिजोऱ्या भरल्या', पंतप्रधान मोदींची काँग्रेसवर टीका
PM Narendra Modi : दहा वर्षांपूर्वी हजारो कोटी रुपयांच्या मेगा स्कॅमची चर्चा व्हायची.. आता हजारो कोटी रुपयांच्या मेगा प्रोजेक्टची चर्चा होते.. आधीच्या सरकारांनी केवळ स्वतःच्या तिजो-या भरल्या, अशा शब्दांत पंतप्रधान मोदींनी आज मागील काँग्रेस सरकारवर निशाणा साधला.. पंतप्रधान मोदींच्या हस्ते मुंबई, नवी मुंबई, रायगड परिसरातील ३३ हजार कोटी रुपयांच्या विकासकामांचं लोकार्पण पार पडलं, त्यानिमित्तानं आयोजित जाहीर सभेत ते बोलत होते. 2 कोटी महिलांना लखपती बनवण्याची मोदी गॅरंटीही त्यांनी यावेळी दिली.
12 Jan 2024, 17:50 वाजता
PM Narendra Modi Live | Marathi News LIVE Today : भारताच्या विकासासाठी सागरालाही टक्कर देऊ...कामं रखडवण्याची सवयच लागली होती...देश बदलणार, जरूर बदलणार...भारताच्या विकासासाठी सागरालाही टक्कर देऊ...अटल सेतू आमच्या विकासाचं प्रतिक...तेव्हाच मोदींनी गॅरंटी दिली होती...देश बदलणार आणि देशाचा विस्तार होणार...अटल सेतू मुंबईकरांना समर्पित करतो...माता-भमिनीतचं जीवन सुकर बनवणं हेच आमचं ध्येय...पंतप्रधान मोदी यांचं वक्तव्य.
12 Jan 2024, 17:24 वाजता
'अहंकारी लोकांचा चक्कचूर होईल', मुख्यमंत्री शिंदेंचा ठाकरे गटाला टोला
Eknath Shinde Live | Marathi News LIVE Today : कोविड काळातही अटल सेतूचं काम सुरू...20 मिनिटात मुंबईचा माणूस नवी मुंबईत...उद्घाटनही पंतप्रधानांच्याच हस्ते ही भाग्याची गोष्ट...अटल सेतू म्हणजे गेम चेंजर प्रकल्प...अटल सेतूचं भूमीपूजन पंतप्रधान मोदींच्या हस्ते...इंधन आणि वेळेची बचत होणार...लेक लाडकी लखपती योजनेचा शुभारंभ... अटल सेतूच्या मजबुतीची गॅरंटी...मोदींप्रमाणे अटल सेतूचीही गॅरंटी...अटलजींच्या नावाप्रमाणे अटल सेतू मजबूत...निवडणूक निकालानंतर भूकंप येईल...अहंकारी लोकांचा चक्कचूर होईल...अहंकारी लोकांचा अहंकार धुळीला मिळणार...मुख्यमंत्री एकनाथ शिंदेंचा ठाकरे गटाला टोला
12 Jan 2024, 17:04 वाजता
Devendra Fadnavis Live | Marathi News LIVE Today : 'मोदी पंतप्रधान होताच देशात विकासाला वेग...'सूर्या प्रकल्पामुळे पाणी मिळणार...सर्व परवानग्या वेळेत देऊन अटल सेतू पूर्ण केला...नवी मुंबई, रायगडमध्ये नवं इकोनॉमिक हब...आजचा दिवस स्वप्नपूर्तीचा...अटल सेतू पंतप्रधान मोदींमुळेच शक्य झाला...मुंबईत कुठूनही 59 मिनिटांत पोहचता येणार..
देशाला मुंबईनं ताकद दिली...उपमुख्यमंत्री देवेंद्र फडणवीस यांचं वक्तव्य
12 Jan 2024, 16:18 वाजता
शिवडी-न्हावा शेवा सागरी सेतूचं पंतप्रधान मोदींच्या हस्ते लोकार्पण
Shivadi Nhava Sheva Sea Link : पंतप्रधान नरेंद्र मोदींच्या हस्ते मुंबई आणि रायगड जिल्ह्याला जोडणारा शिवडी-न्हावा शेवा अर्थात अटल सागरी सेतूचं उदघाटन करण्यात आलं. या लोकार्पण सोहळ्यानंतर आता हा सागरी सेतू मुंबईकरांच्या सेवेत दाखल झालंय. मोदींसह मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवारही उपस्थित होते.
बातमीचा व्हिडीओ पाहा-
12 Jan 2024, 15:22 वाजता
मोदी लक्षद्वीपला गेले, भूकंप मालदीवला झाला- एकनाथ शिंदे
Eknath Shinde on PM Modi : राम मंदिर बनवून पंतप्रधान मोदींनी बाळासाहेब ठाकरेंचं स्वप्न पूर्ण केलं.. अशा शब्दात मुख्यमंत्री एकनाथ शिंदे आज नाशिकमध्ये मोदींचं कौतुक केलं.. मोदी जगात सर्वात लोकप्रिय पंतप्रधान आहेत.. मोदी लक्षद्वीपला गेले तर मालदीवला भूकंप आला असं म्हणत मोदींचा जगभरात किती दरारा हे सांगायला मुख्यमंत्री विसरले नाहीत.
12 Jan 2024, 14:17 वाजता
मुंबईत 3 कोटींपेक्षा जास्त मराठे जाणार - मनोज जरांगे
Manoj Jarange Patil : मुंबईत 3 कोटींपेक्षा जास्त मराठे जाणार... जर 3 कोटीपेक्षा कमी मराठे मुंबईत गेले तर माझं नाव बदलून ठेवा असा इशाराच मनोज जरांगेंनी दिलाय... घराघरातले मराठे मुंबईत जाणार.. त्यासाठीची तयारी सुरु झाली असल्याची माहितीही जरांगेंनी दिलीय.. आरक्षण देण्याच्या नावाखाली सरकार फसवणूक करत असल्याचा आरोपही जरांगेंनी केलाय.
