Maharashtra Breaking News Live Update : विधानसभा निवडणुकी जवळ आली असून सगळ्यांचं त्याकडेच लक्ष लागलं आहे. या निमित्तानं महाराष्ट्रात अनेक केंद्रीय मंत्री पाहायला मिळत आहेत. आजच्या दिवसभरात काय काय घडतंय हे जाणून घेऊया? या लाईव्ह अपडेटमध्ये
16 Nov 2024, 12:39 वाजता
राहुल गांधी यांची आज अमरावतीमध्ये सभा
कोट्यवधी रुपये देऊन सरकार पाडलं - राहुल गांधी
भाजपकडून संविधानाचा अपमान - राहुल गांधी
धारावीची जागा अदानींना देण्याचा डाव - राहुल गांधी
महाराष्ट्रातील मविआचं सरकार भाजपनं चोरलं - राहुल गांधी
आमदारांना कोट्यवधी रुपये देऊन खरेदी केलं - राहुल गांधी
धारावीच्या सौद्याचे पैसे वापरुन आमदार खरेदी केले - राहुल गांधी
16 Nov 2024, 12:27 वाजता
शरद पवार यांच्या बॅगांची रायगडमध्ये तपासणी
म्हसळा येथील सभेसाठी शरद पवार दाखल झाले त्यावेळी त्यांची बॅग तपासण्यात आली. श्रीवर्धन विधानसभा मतदारसंघातील महाविकास आघाडीचे उमेदवार अनिल नवगणे यांच्या प्रचारार्थ ही सभा घेण्यात आली होती. म्हसळा हेलिपॅडवर भरारी पथकाकडून तपासणी करण्यात आली.
16 Nov 2024, 12:23 वाजता
शरद पवारांची फडणवीसांवर टीका
दरम्यान 'व्होट जिहाद' हा शब्द वापरुन देवेंद्र फडणवीसांचे सहकारी धार्मिक कलह निर्माण करण्याचा प्रयत्न करतायेत असा जोरदार हल्लाबोल शरद पवारांनी केली आहे.
16 Nov 2024, 12:22 वाजता
सिल्लोडमधील हुकुमशाही, गुंडगर्दी, दडपशाही रोखण्यासाठी भाजपच्या कार्यकर्त्यांनी साथ द्यावी, अशी साद उद्धव ठाकरेंनी भाजप कार्यकर्त्यांना घातली आहे. मतभेद असतील तर त्यांच्याशी बोलायला तयार असल्यचंही उद्धव ठाकरे म्हणाले. सुरेश बनकरांच्या प्रचारार्थ आयोजित केलेल्या प्रचार सभेत ते बोलत होते. सिल्लोडमधील गुंडगिरी आणि हुकुमशाही संपवायची असल्याचंही ते म्हणाले.
16 Nov 2024, 12:18 वाजता
-उद्धव ठाकरेंची सभा बीकेसीमध्येच होणार-राऊत
-'उद्या शिवाजी पार्कमध्ये उद्धव ठाकरेंची सभा नाही'
-शिवाजी पार्कमधील राज ठाकरेंची सभा रद्द
-शिवसेना UBT आणि मनसेनं केला होता सभेसाठी अर्ज
-मुंबई महापालिकेकडून राज ठाकरेंच्या सभेला परवानगी
-उशिरा परवानगी दिल्यानं राज ठाकरेंची सभा रद्द
16 Nov 2024, 11:25 वाजता
उपमुख्यमंत्री देवेंद्र फडणवीसांनी केलेल्या व्होट जिहादच्या आरोपाला संजय राऊतांनी उत्तर दिलं आहे. हे धर्मयुद्धच असून महाराष्ट्र धर्म वाचवण्यासाठी हे धर्मयुद्ध असल्याचा टोला राऊतानी लागावला आहे.
16 Nov 2024, 11:23 वाजता
किरीट सोमय्यांनी नोमानींचा आणखी एक व्हिडिओ समोर
नोमानी व्होट जिहाद करत असल्याची तक्रार सोमय्यांनी केली आहे. यासंदर्भात किरीट सोमय्यांनी निवडणूक आयोगाला पत्र दिलं आहे. तर सज्जाद नोमानींवर कारवाई करा अशी मागणी त्यांनी केली आहे.
16 Nov 2024, 11:22 वाजता
काकीला नातवाचा आताच का पुळका आला? अजित पवारांचा प्रतिभा पवारांवर निशाणा
युगेंद्र पवारांसाठी मैदानात उतरलेल्या प्रतिभा पवारांवर अजित पवारांनी निशाणा साधलाय. आतापर्यंत कधी प्रतिभा काकी बाहेर आल्या का? आत्ताच का नातवाचा पुळका आलाय? अशा शब्दांत अजित पवारांनी प्रतिभा पवारांना टोला लगावलाय. मी काय खताडा पिताडा आहे का?... मी बारामती तालुक्याची वाट लावली का?..., असा सवालही अजित पवारांनी केलाय. एवढा पुळका का होता? हे निवडणूक संपल्यानंतर काकींना विचारणार असल्याचं अजित पवार म्हणाले.
16 Nov 2024, 11:21 वाजता
एकीची वज्रमूठ प्रगती साधणे - पंकजा मुंडे
लोकांमध्ये भिंती उभ्या करणे वाईट आहे. पण त्या सर्वांना एक करणे, एकीची वज्रमूठ प्रगती साधणे, हे वाईट नसून गरजेचे आहे, अशी भूमिका भाजप नेत्या पंकजा मुंडे यांनी मांडली. भाजपच्या ''''बटेंगे तो कटेंगे'''' या घोषणेला पंकजांनी विरोध केला होता. त्यानंतरच्या वादानंतर पंकजा यांनी पुन्हा निफाडच्या सभेत ही भूमिका मांडलीय. आम्ही फक्त विकासावर बोलतो, असेही त्या म्हणाल्या.
