Maharashtra Monsoon Session 2023 Live : राज्य विधिमंडळाच्या तीन आठवड्यांच्या पावसाळी अधिवेशनाला (Monsoon Session) सोमवारपासून सुरुवात झाली आहे. पहिल्याच दिवशी विरोधकांनी शेतकऱ्यांच्या प्रश्नावरुन सरकारला धारेवर धरलं होतं. मात्र काही वेळातच अधिवेशनाचा पहिली दिवस आटोपता घेण्यात आला. त्यानंतर आता दुसऱ्या दिवशी दोन्ही सभागृहांचे कामकाज वादळी होण्याची शक्यता आहे. विधानपरिषद उपसभापती निलम गोऱ्हे यांना अपत्रातेची नोटीस ते किरीट सोमय्या यांचा कथित व्हायरल व्हिडीओ यामुळे दोन्ही सभागृहात गोंधळ होण्याची शक्यता आहे.
18 Jul 2023, 14:17 वाजता
18 Jul 2023, 14:07 वाजता
सचिन अहिरदेखील भाजपात येतील - सुधीर मुनगंटीवार
"माझी भविष्यवाणी आहे. एक दिवस असा येईल की सचिन अहिरदेखील भाजपात येतील. हे मी गांभीर्याने सांगतोय. अनिल परब यांची अवस्था महाभारतातील अश्वथामासारखी होईल," असे सुधीर मुनगंटीवार म्हणाले.
18 Jul 2023, 13:47 वाजता
पेनड्राईव्ह दिलाय पण तो पाहणे मोठे कठीण काम आहे - निलम गोऱ्हे
"सोमय्याप्रकरणी फडणवीसांनी चौकशी जाहीर केली आहे. याप्रकरणात एक अस्वस्थ करणारा मुद्दा आहे. व्हिडीओ ब्लर करून चॅनेल्सवरून घराघरात हे शॉर्ट्स दाखवले जातात. आपल्या घरात मुलं मुली पाहतात. मी विनंती करीन की तुम्ही व्हिडीओ ब्लर करत असला तरीही सगळं कृत्य परत परत दाखवता. व्हिडीओ दाखवत असताना थोडं बंधन ठेवा. पोलिसांच्या चौकशीत या वाहिन्यांनी गोपनिय स्वरुपात माहिती द्यावी. जेणेकरून पीडित महिलेपर्यंत पोहोचणं शक्य होईल. तुम्ही पेन ड्राईव्ह मला दिला आहे, तो बघणं म्हणजे फार कठीण परीक्षा आहे माझ्यासाठी. पण मी त्यामध्ये महिला पोलीस अधिकारी, महिला डॉक्टर या मान्यवराना ते बघायला सांगेन. त्या महिलेचे तक्रार आली पाहिजे, असं निलम गोऱ्हे म्हणाल्या.
18 Jul 2023, 13:41 वाजता
किराट सोमय्या महाराष्ट्र द्रोही - अंबादास दानवे
"काही महिलांच्या मजबुरीचा फायदा घेतला आहे. माझ्याकडे आठ तासांचे व्हिडीओ आहेत. मी सभापतींना ते देणार आहे. किरीट सोमय्या मराठी माणसांवर अत्याचार करत आहेत. किरीट सोमय्या यांनी काय काय केले हे सर्वांना माहिती आहे. अशा किरीट सोमय्यांना सत्ताधारी पक्ष संरक्षण देणार का? किरीट सोमय्यांमुळे अनेकांना तुरुंगात जावं लागलं आहे. किराट सोमय्या महाराष्ट्र द्रोही आहे," असेही अंबादास दानवे म्हणाले.
18 Jul 2023, 13:33 वाजता
संपूर्ण प्रकरणाची सखोल चौकशी होणार - देवेंद्र फडणवीस
"हा विषय गंभीर आहे. राजकारणात असे अेक प्रसंग येतात ज्यामध्ये संपूर्ण आयुष्य पणाला लागते. मी यासंदर्भात तक्रारी असतील तर द्याव्यात त्याबद्दल चौकशी करु. काही ठोस असेल तर त्याची चौकशी करु. कोणालाही पाठिशी घातलं जाणार नाही. पोलीस कायद्याच्या चौकटीत राहून याचा तपास करतील," असे आश्वासन देवेंद्र फडणवीस यांनी दिले.
18 Jul 2023, 13:25 वाजता
अंबादास दानवेंचा किरीट सोमय्यांवर गंभीर आरोप
"राजकारणामध्ये काही लोक ईडी, सीबीआयची भीती दाखवतात आणि त्याच्या माध्यमातून ब्लॅकमेंलिंग करणे, खंडणी मागतात अशा प्रकारच्या बाबी समोर आल्या आहेत. हिच व्यक्ती त्यांच्याच पक्षातील काही महिलांना जबाबदारी देतो सांगून त्यांच्या सुरक्षेचा प्रश्न निर्माण करतात. नैतिकतेचा धडा देणाऱ्या पक्षाची एक व्यक्ती महिलांना महामंडळात नियुक्त्या देतो असे सांगतो. ही अपप्रवृत्ती समोर आली आहे. माझ्याकडे काही व्हिडीओ आले आहेत. अशा व्यक्तीला केंद्राची सुरक्षा आहे. या सुरक्षेचा वापर महिलांचा छळ करण्यासाठी केला जात आहे," असे अंबादास दानवे म्हणाले.
18 Jul 2023, 12:56 वाजता
अमली पदार्थांच्या विक्रीबाबत शासनाने कारवाई करावी; रोहित पवार यांची लक्षवेधी
"अमली पदार्थांच्या विक्रीत वाढ होत असल्याने शहराच्या तरुणाईचे भविष्य अंधकारमय होण्याची शक्यता आहे. त्यामुळे शहरातील कायदा सुव्यवस्थेचा प्रश्न बिकट होण्याची शक्यता आहे. त्यामुळे यावर शासनाने तातडीने कार्यवाही करावी," अशी लक्षवेधी रोहित पवारांनी मांडली.
18 Jul 2023, 12:11 वाजता
बार्टी प्रश्नावरुन आक्रमक होत विरोधकांचा सभात्याग
बार्टी संस्थेच्या माध्यमातून विधानसभेत मांडला होता. बार्टीद्वारे मागासवर्गीय मुलांसाठी प्रशिक्षण दिले जाते. मात्र मागासवर्गीय मुलां- मुलींवर प्रशिक्षण माध्यमातून अन्याय करण्यात येत आहे. त्यामुळे मागासवर्गीय मुलांच्या अडचणीत वाढ झाली आहे, असे नाना पटोले म्हणाले. 20 हजार मुलांचे प्रशिक्षण न्याय प्रविष्ट आहे. मंत्री तयार नव्हते त्यामुळे चुकेची उत्तर देत आहेत. सरकारमधील घटक पक्ष दुर्लक्ष करत नाहीत. देशात दलितांना, शोषितांना टार्गेट केले जात आहे. बार्टीतून मुलांवर अन्याय केला जात आहे, असे जितेंद्र आव्हाड यांनी म्हटलं आहे.
18 Jul 2023, 12:05 वाजता
Maharashtra Monsoon Session 2023 LIVE Updates : बार्टी प्रश्नावरुन विरोधकांचा सभात्याग
बार्टी प्रश्नावरुन विरोधकांनी आक्रमक होत सभात्याग केला आहे.
18 Jul 2023, 11:53 वाजता
अपने धंदे मे एक जाएगा तो सब जायेंगे हे लोकांनी लक्षात ठेवावं - नितेश राणे
"किरीट सोमय्या यांनी सकाळीच याबद्दल स्पष्टीकरण दिलं आहे. पण सत्या चित्रपटातील एक संवाद आहे की, अपने धंदे मे एक जाएगा तो सब जायेंगे. त्यामुळे लोकांनी हे फक्त लक्षात ठेवावं. किरीट सोमय्या यांनी जी तपासाची मागणी केली आहे त्याबाबत माहिती आली की सत्यता बाहेर येईल मग बोलू," असे नितेश राणे म्हणाले.
