१ मे पासून होणार हे बदल, जाणून घ्या कशी असेल महिन्याची सुरुवात

Changes from 1st May :  प्रत्येक महिन्याची सुरुवात पगारासह होते. याचा आनंद असतो. पण अनेकदा महिन्याच्या सुरुवातीला काही वस्तूंच्या किमती वाढतात. एका दिवसानंतर एप्रिल महिना संपत असून मे महिना सुरू होणार आहे. या महिन्याची सुरुवातही अनेक मोठ्या बदलांसह होणार आहे. अशा परिस्थितीत हा महिना तुमच्यासाठी कोणत्या प्रकारची सुरुवात घेऊन येणार आहे. ते जाणून घेऊया.

सिलिंडरचे दर वाढू शकतात

या महिन्याच्या सुरुवातीलाही गॅस सिलिंडरच्या किंमतीबाबत कंपन्या निर्णय घेऊ शकतात. घरगुती गॅसच्या किमतीत लक्षणीय वाढ होण्याची शक्यता वर्तवली जात आहे. गेल्या वेळी गॅस सिलिंडरच्या किमतीत 50 रुपयांनी वाढ करण्यात आली होती.

सलग चार दिवस बँका बंद राहणार 

जर तुमच्या बँकांमध्ये वारंवार फेऱ्या होत असतील तर मे महिन्याची सुरुवात तुमच्यासाठी थोडी वाईट असू शकते. 1 मे ते 4 मे पर्यंत सलग चार दिवस बँका बंद राहणार आहेत. मात्र, या सुट्या वेगवेगळ्या राज्यानुसार असतील. देशात मे महिन्याच्या सुरुवातीलाच ईद साजरी केली जाईल. याशिवाय मे महिन्यात शनिवार आणि रविवारसह 11 दिवस बँका बंद राहतील.

IPO मध्ये UPI पेमेंट मर्यादा वाढवली जाईल

1 मे पासून होणार्‍या इतर मोठ्या बदलांपैकी एक म्हणजे किरकोळ गुंतवणूकदारांसाठी UPI पेमेंटची मर्यादा वाढवली जाईल. सेबीच्या नवीन नियमांनुसार, 1 मे नंतर एखाद्या कंपनीच्या IPO मध्ये गुंतवणूक करण्यासाठी, तुम्ही UPI द्वारे पेमेंट करताना 5 लाख रुपयांपर्यंतची बोली सबमिट करू शकता. सध्या ही मर्यादा दोन लाख रुपये आहे. नवीन मर्यादा १ मे नंतर येणाऱ्या सर्व IPO साठी वैध असेल. SEBI ने नोव्हेंबर 2018 मध्येच IPO मधील गुंतवणुकीसाठी UPI पेमेंट करण्याची परवानगी दिली होती, जी 1 जुलै 2019 पासून लागू आहे.