सोलापूर, माढा मतदार संघात `अजब गोंधळ`

www.24taas.com, झी मीडिया, सोलापूर
माढाचे महायुतीचे उमेदवार सदाभाऊ खोत यांच्या वादग्रस्त वक्तव्याची ऑडीओ क्लिप आर आर पाटील यांनी सांगलीत पत्रकारांना ऐकवली. तर सोलापूर लोकसभा मतदार संघातील मोहोळ विधानसभा निवडणूक अधिका-यांनं निवडणूकीच्या प्रशिक्षण शिबिरात दारु पीऊन गोंधळ घातला.
सदाभाऊ खोत यांनी सेना भाजपवर टीका केल्याचा सूर या क्लिपमध्ये ऐकायला मिळतो. त्यांनी त्यांच्या मतदारसंघात ५० -५० कोटी वाटल्याचा दावा क्लीपमध्ये केलाय. काँग्रेस राष्ट्रवादीसोबत गेलो असतो तर विधान परिषद तरी मिळाली असती असा दावाही त्यांनी केलाय.
सोलापूर लोकसभा मतदार संघातील मोहोळ विधानसभा निवडणूक अधिका-यांनं निवडणूकीच्या प्रशिक्षण शिबिरात दारु पीऊन गोंधळ घातला. यावेळी या अधिका-यानं निवडणूक केंद्रप्रमूख तथा शासकीय शाळेच्या मुख्याध्यापकाला मारहाणही केली.
अधिका-यांच्या या मुजोरी विरोधात सर्व कर्मचा-यांनी आंदोन करत निवडणूकींच्या कामावर बहिश्कार घातला. शिक्षकांचा उद्रेक पाहता अप्पर जिल्हाधिकारी विजयसिंह देशमुख यांनी या केंद्राला भेट दिली आणि शिक्षकांची समजूत काढून कारवाईचं आश्वासन दिलं.