मोदींना धमकी देणाऱ्या इमरान मसूदला 14 दिवसांची कोठडी

लखनऊमधील काँग्रेसचे उमेदवार इमरान मसूद यांना पोलिसांनी अटक केली आहे. मसूद यांना 14 दिवसांची न्यायालयीन कोठडी सुनावण्यात आली आहे.
नरेंद्र मोदींची खांडोळी करु, अशी धमकी इमरन मसूद यांनी दिली होती. सहारनपूर पोलिसांनी रात्री साडे तीनच्या सुमारास इमराम मसूद यांना अटक केली

उत्तरप्रदेशात गुजरात करण्याचा प्रयत्न केला तर मोदींच्या खांडोळ्या करू असं, इमरान मसुद यांनी म्हटलं होतं.

एका चौकातील प्रचारसभेत बोलत असताना मसूद यांनी उत्तरप्रदेशचा गुजरात करण्याचा प्रयत्न केलात तर खांडोळी करु, अशी धमकी नरेंद्र मोदी यांना इमरान मसूद यांनी दिली होती.
तसेच तुम्ही मला खासदार केलं तर लहान मुलालाही पोलीसांची भिती वाटणार नाही, अशी दहशत निर्माण करु, असंही मसूद बोलले आहेत.

यूपीत ४२ टक्के तर गुजरातमध्ये फक्त ४ टक्के मुसलमान आहेत, असंही जातीचं गणित इमरान मसूद यांनी लावलं होतं.