गारपीटग्रस्त शेतकऱ्यांना सरकारची मदत जाहीर

मुंबई: राज्यात गारपीटीनं नुकसान झालेल्या गारपीटग्रस्तांना सरकारनं अखेर मदत झाहीर केली. महसूलमंत्री एकनाथ खडसे यांनी या मदतीची घोषणा विधानसभेत केली असून यामध्ये नुकसानग्रस्तांना सरकारकडून आर्थिक मदत देण्यात येणार आहेत. 

सरकारनं जाहीर केलेल्या घोषणेनूसार फळबागासाठी हेक्टरी २५ हजार रूपये, गारपीटानं मृत पावलेल्या मोठया जनावरांसाठी २५ हजार रूपये, पक्क्या घरांचं नुकसान झालेल्यांसाठी ७० हजार रुपये, कोरडवाहू शेतकऱ्यांसाठी हेक्टरी १० हजार रुपये तर गारपीटीनं मृत पावलेल्या शेळयांची भरपाई म्हणून ३,५०० रुपये देण्यात येणार असल्याचं सांगण्यात आलं आहे. 

गारपीटग्रस्त शेतकऱ्यांचं तीन महिन्याचं वीजबील माफ करण्याची घोषणाही यावेळी खडसे यांनी केली.

गारपीटग्रस्तांना जाहीर झालेली मदत

• कोरडवाहू 10000 रुपये प्रती हेक्टरी
• बागायती 15000 रुपये प्रती हेक्टरी
• बहुवार्षिक फळबाग 25000 प्रति हेक्टर

पडझड झालेल्या घरांसाठी मदत

• पक्के घर – 70 हजार
• कच्चे घर – 25 हजार
• घराचं अंशतः नुकसान - 15 हजार
• जमीन खरडली गेली तर 20 हजार प्रतीहेक्टर
• जमीन वाहून गेली 25 प्रतीहेक्टर

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.