राष्ट्रवादीचे आमदार अनिल भोसलेंना पत्नीसह अटक

www.24taas.com, झी मीडिया, पुणे
इन्कम टॅक्सच्या बनावट दाखल्याप्रकरणी राष्ट्रवादीचे आमदार अनिल भोसले आणि त्यांच्या पत्नी रेश्मा भोसले यांना शिवाजीनगर पोलिसांनी बुधवारी अटक केली. त्यानंतर कोर्टानं त्यांची २० हजार रुपयांच्या जामिनावर मुक्तता केलीय.
राष्ट्रवादीचे आमदार अनिल भोसले यांच्या पत्नी रेश्मा भोसले यांनी फेब्रुवारी २०१२मध्ये महापालिकेची निवडणूक लढवली होती. त्यावेळी आपल्याकडे इन्कम टॅक्सची थकबाकी नसल्याचं प्रमाणपत्र त्यांनी निवडणूक विभागाला सादर केलं होतं.
मात्र त्यांनी सादर केलेलं ना हरकत प्रमाणपत्र बनावट असल्याचा आरोप निवडणुकीतील मनसेचे पराभूत उमेदवार समाधान शिंदे यांनी केला होता.