खोपोलीत स्टील कंपनीत स्फोट, १० जखमी

www.24taas.com,झी मीडिया,खोपोली
रायगड जिल्ह्यातील खोपोलीमधल्या इंडिया स्टील कंपनीच्या भट्टीमध्ये काल रात्री भयंकर स्फोट झाला. यात १० जण जखमी झाल्याचे सांगण्यात येत आहे. या स्फोटानंतर वितळलेल्या लोखंडाचे तीन गोळे बाजूच्या वस्तीच्या दिशेनं फेकले गेले.
या स्फोटामुळे काही घरांची कौलं तोडून हे गोळे घरांमध्ये पडले. यामध्ये काही लहान मुलांसह किमान १० जण जखमी झालेत. एकाची प्रकृती गंभीर असून त्याला मुंबईतल्या एका रुग्णालयात हलवण्यात आलं.