वोडाफोनचे ग्राहकांना ख्रिसमस, न्यू-ईयर गिफ्ट

नवी दिल्ली : वोडाफोन इंडियाने माय वोडाफोन हे नवं अॅप लाँच केलयं. विना इंटरनेट वोडाफोनचे प्रीपेड अथवा पोस्टपेड ग्राहक या अॅपचा वापर करु शकतात. 

कंपनीने दिलेल्या माहितीनुसार, अॅपच्या सहाय्याने ग्राहक फोनचा वापर, प्लानची माहिती, बिल पेड करणे याबाबत माहिती मिळवू शकतात. तसेच रिचार्ज अथवा बोनस कार्डही खरेदी करु शकतात. त्याचप्रमाणे वोडाफोनच्या बेस्ट ऑफरचाही फायदा घेऊ शकतात. तसेच एम-पैसा खात्याचा वापरही करु शकता. तुमचा मित्र परिवार यांच्या बिलाची रक्कमही चुकती करु शकता. 

या अॅपद्वारे वोडाफोन ग्राहकांना अनेक ऑफरची माहिती मिळू शकते. नव्या सेवा, अधिक माहिती मिळवण्यासाठी हे अॅप फायदेशीर आहे, ग्राहकांच्या गरजा लक्षात घेऊनच हे अॅप बनवण्यात आलंय, असे वोडाफोन इंडियाचे प्रमुख-रिटेल तसेच डिजिटलच्या कवित नायर यांनी सांगितले. गुगल प्ले स्टोरमधून तुम्ही हे अॅप विनाशुल्क डाऊनलोड करु शकता.