'मी दर निवडणुकीत वेगवेगळ्या पक्षांना...', चिन्मय मांडलेकरने मांडली राजकीय भूमिका

मी कोणालाही न चुकताही मत देतो. माझं लक्ष असतं. एका मताची जी काही किंमत असेल, तरी माझ्यासाठी ती खूप जास्त आहे, असेही तो म्हणाला.

मी परंपरागत मतदार नाही. माझं बाप दाखवं नाहीतर श्राद्ध घाल, हे ठरलंलं आहे. जर काम केलं असेल, मला असं वाटलं की हा खरंच चांगला उमेदवार आहे. बऱ्याचदा तुम्हाला राजकीय पक्षाची भूमिका पटत नाही. पण त्यांनी तुमच्या भागात उमेदवार चांगला दिलेला असतो. हा सर्व विचार करुन मी दरवेळी मत देतो, असेही तो म्हणाला.

त्यापुढे तो म्हणाला, मी आतापर्यंत दर निवडणुकीत वेगवेगळ्या राजकीय पक्षांना मत दिलं आहे. माझ्यासाठी माझी राजकीय भूमिका हिच आहे. जो काम करेल त्याला मत द्या.

माझ्यासाठी आपण निवडणुकीत जे मत देतो ते महत्त्वाचं आहे. मी दर निवडणुकीत न चुकता, व्यवस्थित विचार करुन मतदान करतो, असे चिन्मय मांडलेकर म्हणाला.

मराठीसह हिंदी सिनेसृष्टीतही त्याने त्याची वेगळी भूमिका साकारली आहे. मराठी चित्रपटांमध्ये छत्रपती शिवाजी महाराजांची भूमिका साकारण्यापासून ते ‘द काश्मीर फाईल्स’मध्ये फारुख मल्लिक बिट्टा या खलनायकाची भूमिका साकारण्यापर्यंत चिन्मयने आपल्या अभिनयाने वेळोवेळी स्वत:ला सिद्ध केलं आहे.