Virat Kohli Birthday : एक खराब ओव्हरनं टेस्ट टिममधून झालेला विराटचा पट्टा कट; मग कसं चमकलं नशीब?
Virat Kohli 35th Birthday : टीम इंडियाचा स्टार फलंदाज विराट कोहलीचा आज 35 वा वाढदिवस. विराट कोहली आज 5 नोव्हेंबर रोजी 35 वर्षांचा झाला आहे. विराट कोहलीचा जन्म एका मध्यमवर्गीय कुटुंबात 5 नोव्हेंबर 1988 साली झाला.
Happy Birthday Virat Kohli : विश्वचषक स्पर्धेत आज भारतीय क्रिकेट संघ दक्षिण आफ्रिकेविरुद्ध खेळणार आहे. आजचा सामना खूप खास आहे कारण भारतीय संघाचा सुपरस्टार खेळाडू विराट कोहली आज त्याचा 35 वा वाढदिवस साजरा करत आहे. भारतीय संघ आपल्या माजी कर्णधाराला विजयाची भेट देण्यासाठी सज्ज झाला आहे. त्याचबरोबर कोलकात्याच्या ईडन गार्डन्सनेही विराटला खास अनुभव देण्यासाठी तयारी केली आहे. स्टेडियमच्या लाईट शोमध्येही विराट कोहलीसाठी काहीतरी खास असणार आहे. एवढेच नाही तर विराट कोहलीसाठी खास केकही तयार केला जात आहे. जबरदस्त फॉर्मात असलेला विराट कोहली आजच्या सामन्यात शतक झळकावेल आणि शतकांच्या बाबतीत सचिन तेंडुलकरचीही बरोबरी करेल, अशी आशा क्रिकेट चाहत्यांना आहे.
मध्यम वर्गातील कोहली असा झाला स्टार
धोनीच्या एका निर्णयाने बदललं आयुष्य
सिलेक्टर्सने विराटला वगळलं
आपल्या कर्णधारपदाखाली महेंद्रसिंग धोनी संघातील खेळाडूंना खूप संधी देत असे, मग तो रोहित शर्मा असो किंवा विराट कोहली. 2012 च्या ऑस्ट्रेलियन दौऱ्यावर त्याच्या खराब फॉर्ममुळे सिलेक्टर्सची विराट कोहलीला टीम इंडियातून वगळण्याची इच्छा होती, परंतु धोनीने विराट कोहलीवर विश्वास दाखवला आणि त्याला संघातच ठेवून घेतले.
विरुकडून खुलासा
टीम इंडियाचा माजी स्फोटक फलंदाज वीरेंद्र सेहवागने याचा खुलासा केला होता. 2012 मध्ये सिलेक्टर्सचा निर्णय असता तर कोहलीला भारताकडून कसोटी सामना खेळण्याची संधी मिळाली नसती, असे सेहवागने म्हटले होते. ऑस्ट्रेलियातील काही खराब खेळीनंतर भारतीय सिलेक्टर्सनी कोहलीला वगळायचे होते. पहिल्या दोन कसोटीत कोहलीने केवळ 10.75 च्या सरासरीने धावा केल्या. सेहवाग त्या संघाचा उपकर्णधार होता आणि धोनी कर्णधार होता.
कोहलीच्या जागी हातो 'हा' खेळाडू
वीरेंद्र सेहवाग म्हणाला की, 2012 साली कर्णधार महेंद्रसिंग धोनी आणि त्याने मिळून कोहलीची जागा वाचवली होती. सेहवाग म्हणाला, 'ऑस्ट्रेलियाविरुद्ध खेळल्या जाणार्‍या तिसऱ्या कसोटीत सिलेक्टर्सनी विराट कोहलीऐवजी रोहित शर्माला खेळवण्याचा निर्णय घेतला, पण त्याने आणि कर्णधार धोनीने मिळून निर्णय घेतला की ते कोहलीच खेळतील'.
असा झाला धोनीचा कमबॅक
