Health Tips : फिट राहायचंय? मग आजच आहारात ‘या’ गोष्टींचा समावेश करा
Health Care Tips पौष्टिक आहाराचे सेवन केल्यास फिट राहण्यास तुम्हाला मदत मिळू शकते. तसेच नियमित व्यायाम, योगासनांचा सराव करणं देखील आवश्यक आहे. व्यायाम आणि डाएटचे काटेकोरपण पालन केल्यास तुम्हाला आरोग्यदायी लाभ मिळतील.
Health Tips : धावपळीचे आयुष्य, बदलती जीवनशैली, ऑफिसच्या कामाचा ताण इत्यादी गोष्टींमुळे बहुतांश जणांना स्वतःच्या आरोग्याकडे लक्ष द्यायला पुरेसा वेळ मिळत नाही. पण वेळ मिळत नाही, म्हणून आरोग्याकडे दुर्लक्ष करून चालणार नाही. अन्यथा यामुळे भविष्यात आरोग्याच्या गंभीर समस्यांचा सामना करावा लागेल. शारीरिक आणि मानसिक आरोग्य चांगले राहण्यासाठी पुरेशी झोप, पौष्टिक आहार, व्यायामासोबतच वाईट सवयी सोडाव्या लागतील. मग आजच तुमच्या आहारात या गोष्टींचा समावेश करा.
जर तुम्हाला फिट राहायचं असेल तर रोजच्या आहारात नट्सचा समावेश करा. बाजारात देखील नट्स सहज उपलब्ध होतात. त्यांचे शारीरिक आणि मानसिक आरोग्यासाठी विशेष फायदे होऊ शकतात. त्यामध्ये ओमेगा-3 फॅटी ऍसिडस्, अँटिऑक्सिडंटसह शरीरासाठी आवश्यक पोषक घटक असतात. चला जाणून घेऊया सर्व लोकांनी कोणते नट्स खावेत, शरीरासाठी कोणते फायदे होतात?
काजू खाण्याचे फायदे
काजू हे आपल्या शरीराला अनेक पोषक घटक पुरवत असते. काजूचे नियमित सेवन केल्याने हृदय तंदुरुस्त राहण्यास मदत होते. काजूमध्ये बायो ऍक्टिव्ह मायक्रोन्यूट्रिएंट नावाचा घटक असतो, हा घटक आपले हृदय तंदुरुस्त ठेवण्यास मदत करतो. तसेच यात ग्लुकोजचे प्रमाण कमी आणि फायबरचे प्रमाण जास्त असल्याने मधुमेही रुग्णही ते खाऊ शकतात. काजू हे तांबे, मॅग्नेशियम आणि मॅंगनीजचे चांगले स्त्रोत म्हणून ओळखले जातात. ज्याचे ऊर्जा उत्पादन, मेंदूचे आरोग्य, रोग प्रतिकारशक्ती आणि हाडांसाठी विशेष फायदे असू शकतात.
मेंदूला बदामाचा फायदा होतो
प्रत्येकाला लहानपणापासून भिजवलेले बदाम खाण्याचा सल्ला दिला जातो. बदामामध्ये निरोगी चरबी, फायबर, प्रथिने, मॅग्नेशियम आणि व्हिटॅमिन ई भरपूर प्रमाणात असतात. रक्तातील साखरेची पातळी कमी करण्यासोबत रक्तदाब आणि कोलेस्टेरॉल नियंत्रित ठेवण्यास ते उपयुक्त असल्याचे अभ्यासात आढळून आले आहे. भूक कमी करण्यासाठी तसेच वजन कमी करण्यासाठी बदाम तुमच्यासाठी फायदेशीर ठरू शकतात. बदामामध्ये L-carnitine आणि riboflavin सारखे घटक असतात जे मेंदूच्या पेशींच्या विकासात मदत करतात. रोज सकाळी बदाम खाल्ल्याने मेंदूची शक्ती वाढण्यास मदत होते.
अक्रोड खाणे आवश्यक आहे
शारीरिक आणि मानसिक आरोग्य राखण्यासाठी अक्रोड हे सर्वात प्रभावी नट्स असू शकतात. एका दिवसात किमान चार अक्रोड खाल्ल्याने कर्करोग, लठ्ठपणा, मधुमेह तसेच वजन वाढण्याची समस्या कमी करण्यासाठी विशेष फायदे मिळतात. अक्रोड हे अनेक आजार बरे करण्यासाठी देखील उपयुक्त आहे. अक्रोड ओमेगा -3 फॅटी ऍसिडमध्ये समृद्ध असल्याचे ओळखले जाते जे हृदयरोगाच्या जोखमीपासून संरक्षण करण्यास उपयुक्त ठरू शकते.
पचनामध्ये मनुकाचे फायदे
