आज 4 वर्षानंतर सुर्य पूजेचा योग, 'या' गोष्टी केल्याने सगळे आजार होतील दूर

मुंबई :  श्रावण महिन्यात शिवाबरोबरच सूर्यदेव पूजेलाही खूप महत्त्व आहे. या महिन्यात रोज सकाळी सूर्याला पाणी अर्पण केल्याने बरेच फायदे होतात. याशिवाय जर श्रावण महिन्यातील शुक्ल पक्षातील सप्तमी रविवारी आली तर त्याला भानु सप्तमी म्हणतात आणि या दिवशी सूर्याची पूजा केल्यास जीवनातील सर्व समस्या आणि रोग दूर होतात.

4 वर्षानंतर सुर्य पूजेचा योग

श्रावण महिन्याच्या शुक्ल पक्षाच्या सातव्या दिवशी येणारा रविवारचा हा योग 4 वर्षांनंतर बनला आहे. याशिवाय आज (15 ऑगस्ट, रविवार) विशाखा नक्षत्र देखील आहे.

रविवार सूर्य देवाला समर्पित असल्याने, अशा परिस्थितीत, आज सूर्य देवाला जल अर्पण करून, त्याची पूजा केल्याने सर्व समस्या दूर होतील. 

याशिवाय व्यक्तीचे आजार दूर होतील, त्याची कारकिर्द चांगली होईल. तसेच, कुंडलीतील सूर्य ग्रह मजबूत होईल आणि शुभ परिणाम देईल. आता श्रावण महिन्यात पुढील असा योगायोग 11 ऑगस्ट रोजी 2024 मध्ये होईल.

भानु सप्तमीच्या दिवशी उपवास आणि पूजा करण्याचे अनेक फायदे आहेत. यासाठी सकाळी लवकर आंघोळ करून सूर्याला अर्घ्य द्या आणि उपवासाचे व्रत घ्या. सूर्याला पाणी अर्पण करण्यासाठी तांब्याच्या भांड्यात पाणी घ्या आणि त्यात लाल चंदन किंवा कुमकुम, लाल फुले, तांदूळ-गव्हाचे दाणे घाला. त्यानंतर त्यासोबत सूर्याला अर्घ्य द्या.

पाणी अर्पण करताना ओम घृण्य सूर्यय नम: या मंत्राचा जप करा. पाणी अर्पण केल्यानंतर गायत्री मंत्र आणि आदित्य हृदय स्तोत्राचे पठण करणे देखील योग्य ठरेल. त्याचबरोबर या उपवासात फळे खा पण मीठ खाऊ नका. शक्य असल्यास दिवसभर तांब्याच्या भांड्यातून पाणी प्या. यामुळे भरपूर सकारात्मक ऊर्जा मिळेल.