VIDEO : पिचवर ट्रॉफी ठेऊन वाजवली गिटार, संपूर्ण टीमने गायलं गाणं, न्यूझीलंडचं वर्ल्ड कप जिंकून अनोखं सेलिब्रशन

(Photo Credit : Social Media)

New Zealand Won Womens T20 World Cup 2024 : यूएईमध्ये खेळवण्यात आलेल्या आयसीसी महिला टी 20 वर्ल्ड कप 2024 चा समारोप रविवारी झाला. यात साऊथ आफ्रिका विरुद्ध न्यूझीलंड यांच्यात झालेल्या फायनल सामन्यात न्यूझीलंडच्या टीमने विजय मिळवून इतिहास रचला. वर्ल्ड कप जिंकल्यावर  न्यूझीलंडच्या महिला संघाने मैदानात जबरदस्त सेलिब्रेशन केले. यावेळी प्लेअर ऑफ द मॅच आणि प्लेअर ऑफ द टूर्नामेंट म्हणून निवडण्यात आलेल्या ऑल राऊंडर अमेलिया केरने गिटार वाजवून गाणं गायलं आणि सर्व टीमने यात तिची साथ दिली. सध्या या अनोख्या सेलिब्रेशनचा व्हिडीओ सोशल मीडियावर व्हायरल होतं आहे. 

आयसीसीने शेअर केला सेलिब्रशनचा व्हिडीओ : 

आयसीसीने इंस्टाग्रामवर सेलिब्रशनचा व्हिडीओ पोस्ट केला असून यात वर्ल्ड कप जिंकल्यावर ऑल राउंडर अमेलिया केरने हातात गिटार घेऊन सुंदर गाणं म्हटलं. यावेळी न्यूझीलंडच्या महिला संघाने त्यांची वर्ल्ड कप ट्रॉफी ही पिचवर ठेवली होती. अमेलिया केरने गिटार घेऊन सुंदर गाणं म्हटलं आणि याला तिच्या टीमने देखील साथ दिली. अमेलिया केरने फायनलमध्ये 43 धावा केल्या तर 3 विकेट्स सुद्धा घेतल्या. 

हेही वाचा : कृष्णाचे भजन गात होता विराट तर टाळ्या वाजवत दंग झाली अनुष्का; मुंबईमधील कार्यक्रमाचा Video पाहाच

पाहा व्हिडीओ : 

View this post on Instagram

A post shared by ICC (@icc)

न्यूझीलंडने विजयासाठी दिलं 159 धावांचं टार्गेट : 

न्यूझीलंडने प्रथम फलंदाजी करून 5 विकेट्स गमावू 158 धावा केल्या. मग वर्ल्ड कप जिंकण्यासाठी दक्षिण आफ्रिकेला 59 धावांचं टार्गेट दिलं. मात्र न्यूझीलंडच्या गोलंदाजांनी यावेळी कमाल कामगिरी करून 9 विकेट्स घेऊन साऊथ आफ्रिकेच्या संघाला 126 धावांवर रोखले. दक्षिण आफ्रिकेसाठी फलंदाजी करताना कर्णधार लॉरा वूलवर्थने 27 बॉलमध्ये 33 धावांचे योगदान दिले. अमेलिया केरशिवाय रोझमेरी मेयरनेही न्यूझीलंडकडून तीन बळी घेतले. इडन कार्सन, फ्रॅन जोनास आणि हॅलिडे यांना प्रत्येकी एक विकेट घेण्यात यश आले.