रोनाल्डो आणि मेस्सीच्या वर्चस्वानंतर नव्या युगाची सुरुवात, 'या' युवा खेळाडूने पटकावला Ballon d'Or 2024 पुरस्कार
Ballon d'Or 2024: फुटबॉलपटूचा गौरव करण्यासाठी बॅलोन डी'ओर हा प्रतिष्ठित पुरस्कार दिला जातो.
 "रोनाल्डो आणि मेस्सीच्या वर्चस्वानंतर नव्या युगाची सुरुवात, 'या' युवा खेळाडूने पटकावला Ballon d'Or 2024 पुरस्कार")
Rodri win Ballon dOr 2024 award: फुटबॉल जगतातील महत्त्वपूर्ण पुरस्कार म्हणजे बॅलोन डी'ओर. यंदाही या पुरस्कारासाठी चांगलीच चुरस बघायला मिळाली. यंदा रोनाल्डो आणि मेस्सीच्या वर्चस्वानंतर नव्या युगाची सुरुवात झाल्याचे दिसून आले. यंदा बॅलोन डी'ओर हा प्रतिष्ठित पुरस्कार युवा खेळाडूला मिळाला. स्पेनचा मिडफिल्डर रॉड्रिगो हर्नांडेझ कॅसकांटने शॅटलेट थिएटरमध्ये बॅलोन डी'ओर जिंकला. त्याला त्याचे चाहते रोड्री या नावाने ओळखतात. तो मँचेस्टर सिटीसाठी क्लब फुटबॉल खेळतो. 2024 च्या युरोपियन चॅम्पियनशिपमध्ये राष्ट्रीय संघ जिंकण्यात त्याने महत्त्वाची भूमिका बजावली. यासह तो हा प्रतिष्ठेचा पुरस्कार जिंकणारा पहिला मँचेस्टर सिटी आणि तिसरा स्पॅनिश फुटबॉलपटू ठरला आहे. रॉड्रिच्या आधी लुईस सुआरेझ आणि अल्फ्रेडो डी स्टेफानो यांनी बॅलन डी'ओर जिंकला आहे.
64 वर्षांनंतर स्पॅनिश खेळाडूला पुरस्कार
28 वर्षीय रोड्री पेप गार्डिओलाच्या मँचेस्टर सिटी संघाचा महत्त्वाचा खेळाडू आहे. रॉड्रिने बॅलन डी'ओर जिंकल्याने अखेरीस स्पेनची 64 वर्षांची प्रतीक्षाही संपुष्टात आली आहे. 1960 नंतर पहिल्यांदाच एखाद्या स्पॅनिश खेळाडूने हा पुरस्कार जिंकला आहे. गेल्या वेळी लुईस सुआरेझने हा पुरस्कार जिंकला होता. त्यानंतर तो बार्सिलोनाकडून खेळला. रिअल माद्रिदचा दिग्गज आल्फ्रेडो डी स्टेफानोने 1957 आणि 1959 मध्ये दोनदा हा पुरस्कार जिंकला आहे.
बॅलन डी'ओर 2024 पुरस्कार विजेत्यांची यादी
- बॅलन डी'ऑर: रॉड्रि
- बॅलन डी'ओर स्त्री: आयताना बोनामती
- कोपा करंडक: लमिन यामल
- वर्षातील पुरुष प्रशिक्षक: कार्लो अँसेलोटी
- वर्षातील महिला प्रशिक्षक: एम्मा हेस
- यशिन ट्रॉफी: एमिलियानो मार्टिनेझ
- मेन्स क्लब ऑफ द इयर: रिअल माद्रिद
- महिला क्लब ऑफ द इयर: बार्सिलोना
- गर्ड मुलर ट्रॉफी: हॅरी केन आणि कायलियन एमबाप्पे
The 2024 winners list! #ballondor pic.twitter.com/kV28kY5io7
— Ballon d'Or (@ballondor) October 28, 2024
कोणाचा केला पराभव?
रॉड्री व्यतिरिक्त, बॅलोन डी'ओरच्या टॉप तीन स्पर्धकांमध्ये ब्राझील आणि रिअल माद्रिदसाठी खेळणाऱ्या खेळाडूंचा समावेश होता. व्हिनिसियस ज्युनियर तसेच इंग्लंड आणि रिअल माद्रिदचा ज्युड बेलिंगहॅम यांचा समावेश होता. पुरस्कारांमध्ये व्हिनिशियस ज्युनियर दुसरा तर बेलिंगहॅम तिसरा आला. रिअल माद्रिदच्या डॅनी कार्वाजलनेही चौथ्या क्रमांकावर उभा राहिला. हॉलंड पाचव्या तर कायलियन एमबाप्पे सहाव्या स्थानावर आहे. 2008 पासून प्रीमियर लीग खेळाडूने हा पुरस्कार जिंकलेला नाही.
Tejashree Gaikwad
तेजश्री गायकवाड- कदम 'झी 24 तास डिजीटल'मध्ये सिनियर सब एडिटर म्हणून कार्यरत आहेत. त्यांना मीडिया क्षेत्राचा 9 वर्षांचा अनुभव आहे. लोकसत्तामधून त्यांनी कारकिर्दीची सुरुवात केली. लोकसत्ताच्या Viva पुरवणीमधून 7 वर्ष विविध विषयांवर लिखाण केले आहे. दैनिक भास्करच्या 'मधुरिमा' मधून फॅशन विषयांवर लिखाण केले आहे. 'झी 24 तास'च्या आधी त्यांनी नवशक्ती (फ्री प्रेस जर्नल), हिंदुस्थान टाइम्स मराठी डिजिटल, लोकसत्ता ऑनलाईन या वृत्तसंस्थेत लिखित बातम्या आणि व्हिडीओ अशा दोन्ही फॉरमॅटमध्ये काम केले आहे. 2018 ते 2023 पर्यंत मुंबई आकाशवाणीमध्ये व्हॉइस ओव्हर आर्टिस्ट आणि कॉन्टेन्ट रायटर म्हणून काम केले आहे. फॅशन, लाइफस्टाईल, मनोरंजन आणि स्पोर्ट्स या विविध विषयांमध्ये रुची आहे.
...Read More
LIVE