IND vs AUS 1st T20 : भारत -ऑस्ट्रेलिया T20 सामन्यात पंत की कार्तिक, कोणाला मिळणार संधी? तुम्हाला काय वाटतं?

IND vs AUS 1st T20 : टीम इंडिया आणि ऑस्ट्रेलिया यांच्यातील तीन T20 सामन्यांच्या मालिकेतील पहिला सामना मोहालीत खेळला जाणार आहे. T20 विश्वचषक डोळ्यासमोर ठेवून ही मालिका भारतीय संघासाठी खूप महत्त्वाची आहे. हा सामना किती वाजता सुरु होणार, तुम्ही कुठे आणि कशी पाहू शकाल Match हे जाणून घ्या... 

Updated: Sep 20, 2022, 10:53 AM IST
IND vs AUS 1st T20 : भारत -ऑस्ट्रेलिया T20 सामन्यात पंत की कार्तिक, कोणाला मिळणार संधी? तुम्हाला काय वाटतं?   title=

IND vs AUS 1st T20 : भारत आणि ऑस्ट्रेलिया यांच्यातील तीन सामन्यांच्या T20 मालिकेतील पहिला सामना आज (20 सप्टेंबर) मोहालीच्या PCA स्टेडियमवर खेळवला जाणार आहे. T20 World Cup 2022 डोळ्यासमोर ठेवून ही मालिका भारतीय संघासाठी (Team India) खूप महत्त्वाची ठरणार आहे. भारत आणि ऑस्ट्रेलिया (IND vs AUS) यांच्यातील T20 मालिकेतील टॉस हा संध्याकाळी 7 वाजता होणार आहे. यावेळी दोन्ही कर्णधार येतील आणि टॉस झाल्यावर दोघेही आपला संघ जाहीर करतील.    

बुमराह-हर्षल पुनरागमन करणार आहेत

ऑस्ट्रेलियात होणाऱ्या ICC स्पर्धेपूर्वी सर्व प्रश्नांची उत्तरे शोधण्याचा प्रयत्न त्यांचे खेळाडू करतील असे कर्णधार रोहित शर्माने (Rohit Sharma) आधीच स्पष्ट केले आहे. आशिया चषक (Asia Cup 2022) स्पर्धेत भारताने चांगली फलंदाजी केली असली तरी या काळात अनेक बदलही केले. या स्पर्धेत भारताच्या गोलंदाजीतील कमकुवतपणाही समोर आला. पण हर्षल पटेल (Harshal Patel) आणि जसप्रीत बुमराहच्या (Jasprit Bumrah) परत आल्यामुळे हा सामना अधिक चांगला खेळला जाऊ शकतो. 

पंत आणि कार्तिकमध्ये कोणाला संधी मिळणार?

T20 विश्वचषकासाठी भारतीय संघाची घोषणा करण्यात आली आहे. 15 सदस्यीय संघात अनेक दिग्गज खेळाडूंचा समावेश करण्यात आला आहे. संघाकडे ऋषभ पंत (Rishabh Pant) आणि दिनेश कार्तिकच्या (Dinesh Karthik) रूपाने दोन यष्टिरक्षक फलंदाज आहेत. यापैकी केवळ एका खेळाडूचा संघात समावेश करण्यात येणार आहे. अशा परिस्थितीत पंत आणि कार्तिक यांच्यातील प्लेइंग इलेव्हनमध्ये कोणाला संधी द्यायची हा प्रश्न आहे.

भारतीय फलंदाजी क्रमवारीतील अव्वल चार फलंदाज निश्चित आहेत, पण प्लेइंग इलेव्हनमध्ये यष्टीरक्षक म्हणून ऋषभ पंत की दिनेश कार्तिक यांची निवड केली जाईल हे अद्याप निश्चित झालेले नाही.

तसेच रवींद्र जडेजाच्या दुखापतीमुळे भारताकडून कार्तिकपेक्षा ऋषभ पंतला प्राधान्य दिले जाऊ शकते,  ऋषभ पंत हा डावखुरा फलंदाज आहे. फिनिशरच्या भूमिकेसाठी कार्तिकची निवड करण्यात आली आहे. त्याला आशिया चषक स्पर्धेत फलंदाजीची संधी मिळाली नाही. परंतु संघ व्यवस्थापन त्याला पुढील दोन आठवड्यात क्रीजवर थोडा वेळ घालवण्याची संधी देऊ शकते. दीपक हुड्डा आशिया चषक स्पर्धेतील सुपर फोरच्या सर्व सामन्यांमध्ये खेळला पण संघातील त्याच्या भूमिकेबाबत स्पष्टता नाही.

संघाचे गोलंदाजी संयोजन काय असेल?

आशिया चषकादरम्यान जडेजाच्या दुखापतीमुळे संघात संयोजन गोलंदाजी सध्या कोणी करत नाही.  भारताला पाच गोलंदाजांसह खेळावे लागले आणि गोलंदाजीमध्ये सहावा पर्याय नव्हता. भारताने हार्दिक पंड्या आणि जडेजाच्या जागी आलेला अक्षर पटेलला प्लेइंग इलेव्हनमध्ये ठेवल्यास त्याच्याकडे अतिरिक्त गोलंदाजीचा पर्याय असेल. बुमराह, भुवनेश्वर कुमार, हर्षल आणि हार्दिकच्या वेगवान गोलंदाजीमुळे अक्षर आणि युझवेंद्र चहलच्या रूपात दोन फिरकी गोलंदाज असू शकतात. ऑस्ट्रेलियाची परिस्थिती लक्षात घेऊन संघ व्यवस्थापन या सामन्यांसाठी संघ संयोजन तयार करेल.

टीम डेव्हिड AUS साठी पदार्पण करू शकतो

दुसरीकडे ऑस्ट्रेलिया डेव्हिड वॉर्नरसह काही प्रमुख खेळाडूंशिवाय भारतात आला आहे. वॉर्नरला विश्रांती देण्यात आली आहे. तर मिचेल स्टार्क, मार्कस स्टॉइनिस आणि मिचेल मार्श यांना दुखापतीतून सावरण्यासाठी वेळ देण्यात आला आहे. सातत्यपूर्ण खराब कामगिरीमुळे अलीकडेच एकदिवसीय क्रिकेटमधून निवृत्त झालेला कर्णधार अॅरॉन फिंचवर सर्वांचे लक्ष असेल. विश्वचषकापूर्वी तो फॉर्ममध्ये परतण्याचा प्रयत्न करेल. सिंगापूरकडून आंतरराष्ट्रीय क्रिकेट खेळल्यानंतर ऑस्ट्रेलियाकडून पदार्पण करणार्‍या टीम डेव्हिडवरही सर्वांच्या नजरा असतील.

ऑस्ट्रेलिया : अॅरॉन फिंच (कर्णधार), शॉन अॅबॉट, अॅश्टन अगर, पॅट कमिन्स, टिम डेव्हिड, नॅथन एलिस, कॅमेरॉन ग्रीन, जोश हेझलवूड, जोश इंग्लिस, ग्लेन मॅक्सवेल, केन रिचर्डसन, डॅनियल सॅम्स, स्टीव्ह स्मिथ, मॅथ्यू वेड, अॅडम झम्पा.

भारतः रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत, दिनेश कार्तिक, हार्दिक पंड्या, रविचंद्रन अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, दीपक हुडा चहर, जसप्रीत बुमराह, उमेश यादव. 

 

india vs australia t20 series1st match preview team india dinesh karthik rishabh pant sc