World Cup IND vs NZ Live Score: वर्ल्ड कप 2023 स्पर्धेतील 21 वा सामना आज भारत आणि न्यूझीलंडदरम्यान खेळवला जात आहे. पॉइण्ट्स टेबलमधील अव्वल 2 संघांचा हा सामना हिमाचलमधील धर्मशालाच्या मैदानात खेळवला जात असून दोन्ही संघांनी स्पर्धेतील आतापर्यंतचे आपआपले 4 ही सामने जिंकलेले आहेत. त्यामुळे या सामन्यामध्ये बाजी मारुन कोण अव्वल स्थानी कायम राहणार हे आज निश्चित होणार आहे. याच सामन्यासंदर्भातील लाइव्ह अपडेट्स आपण या ठिकाणी पाहू शकता...
22 Oct 2023, 21:08 वाजता
एक धाव घेण्याच्या नादात सूर्यकुमार यादव आणि विराट कोहली यांच्यात चुकामूक झाली. विराटच्या एका चुकीमुळे सूर्यकुमार रनआऊट झाला.
22 Oct 2023, 21:02 वाजता
टीम इंडियाचा किंग कोहलीने 60 बॉलमध्ये संयमी खेळी करत अर्धशतक पूर्ण केलंय. सूर्यकुमार यादव त्याला साथ देण्यासाठी मैदानात आहे. टीम इंडियाला विजयासाठी 100 बॉलमध्ये 86 धावाची गरज आहे.
22 Oct 2023, 20:12 वाजता
श्रेयस अय्यर 22 धावा करून बाद झालाय. टीम इंडिया 128-3
22 Oct 2023, 19:41 वाजता
15.4 ओव्हरमध्ये टीम इंडियाने 100 धावा पूर्ण केल्या आहेत. रोहित आणि शुभमन दोन्ही सलामीवीर आऊट झाल्यानंतर विराट आणि श्रेयस अय्यर मैदानात आहेत. अशातच आता सामना थांबवण्यात आला आहे. त्याला कारण धर्मशालाच्या मैदानावर तयार झालेलं धुकं... धुकं जास्त असल्याने सामना थांबवण्यात आला आहे.
22 Oct 2023, 19:29 वाजता
शुभमन गिल आऊट
लॉकी फर्ग्युसनचा टीम इंडियावर घाव केला आहे. त्याने प्रथम रोहित शर्माला बाद केलं. तर त्यानंतर आता शुभमन गिल देखील बाद झालाय. शुभमन गिल 26 धावा करून बाद झाला.
22 Oct 2023, 19:17 वाजता
रोहित शर्मा बाद
टीम इंडियाचा सलामीवीर फलंदाज रोहित शर्मा 46 धावा करून बाद झालाय. लॉकी फर्ग्युसनने त्याच्या पहिल्याच ओव्हरच्या पहिल्याच बॉलवर विकेट काढली.रोहितने 4 फोर आणि 4 सिक्स मारले.
22 Oct 2023, 19:06 वाजता
टीम इंडियाचं अर्धशतक पूर्ण
भारतीय संघाने 7.4 ओव्हरमध्ये 52 धावा केल्या आहेत. रोहित शर्मा 28 धावांवर खेळतोय. तर शुभमन गिल 24 धावांवर आहे.
22 Oct 2023, 18:40 वाजता
सलामीजोडी मैदानात
न्यूझीलंडने दिलेलं 274 धावांचं आव्हान पार करण्यासाठी टीम इंडियाची सलामी जोडी म्हणजेच रोहित शर्मा आणि शुभमन गिल मैदानात आले आहेत.
22 Oct 2023, 18:02 वाजता
टीम इंडियासमोर 274 धावांचं आव्हान
धर्मशालाच्या एचपीसीए स्टेडियमवर झालेल्या सामन्यात भारतीय संघाने न्यूझीलंडला प्रथम फलंदाजीचं आमंत्रण दिलं. पहिल्या 10 ओव्हरमध्ये जसप्रीत बुमराह, मोहम्मद सिराज आणि शमीने फासे आवळले अन् न्यूझीलंडला धावगती रोखली. दोन्ही सलामीवीर तुंबत परतल्यानंतर रचिन रवींद्र व डॅरिल मिचेल यांनी हात मोकळे केले आणि संयमी धावा कुटल्या. 178 वर टीम इंडियाला तिसरी विकेट मिळाली. त्यानंतर डॅरिल मिचेल याने 100 बॉलमध्ये शतक ठोकलं. मात्र, टॉम लिथमच्या विकेटनंतर न्यूझीलंडचा डाव ढासळला. त्यानंतर एकाही फलंदाजाला मोठी खेळी करता आली नाही. डॅरिल मिचेलने अखेरीस आक्रमण करण्याचा प्रयत्न केला. त्याने 130 धावा केल्या. विराटने बॉन्ड्रीवर एक अप्रतिम कॅच घेत न्यूझीलंडचा खेळ संपवला न्यूझीलंडचा संघ 50 ओव्हरमध्ये 273 धावा करत ऑलआऊट झाला. भारताक़डून मोहम्मद शमीने पाच विकेट्स घेतल्या. पहिल्याच सामन्यात शमीने पंच लगावला आहे.
22 Oct 2023, 17:48 वाजता
न्यूझीलंडला 300 च्या आत रोखण्याचा प्रयत्न टीम इंडिया करत आहे. अखेरच्या षटकात मोहम्मद शमीने सॅटनरच्या दांड्या उडवल्या
