मोर्गनकडून IPL चं कौतूक, वेगवेगळ्या संस्कृतीच्या लोकांना एकत्र आणणारी लीग

दुबई : इंग्लंडचा वर्ल्ड चॅम्पियन कर्णधार इयन मॉर्गनचा असा विश्वास आहे की, जर एखादा संघ महान होण्याच्या दिशेने प्रगती करत असेल तर खेळाडू 'कर्णधारपद' न घेताही महत्वाची भूमिका बजावतात. दिनेश कार्तिकच्या नेतृत्वात कोलकाता नाईट रायडर्स (केकेआर) संघ खेळतो आहे. या संघात मोर्गन हा एक महत्त्वाचा खेळाडू आहे. त्याला असे वाटते की, आयपीएल 2020 च्या पहिल्या 3 आठवड्यात अशा व्यवस्थापनाने चांगली कामगिरी केली आहे.

मॉर्गन म्हणाला की, 'आमच्या संघात अनेक ज्येष्ठ खेळाडू आहेत, पण त्यांच्यात कोणताही कमीपणा नाही.' जेव्हा त्याला विचारलं गेलं की, आंतरराष्ट्रीय कर्णधार म्हणून तू दिनेश कार्तिकला कधी काही सल्ला देतो का? तो म्हणाला की, 'मला वाटते की हे आतापर्यंत खरोखर चांगले चालले आहे. माझा विश्वास आहे की डीके (कार्तिक) आणि ब्रेंडन मॅक्युलम संघाचे चांगले नेतृत्व करतात.'

तो पुढे म्हणाला की, 'संघात ही देखील महत्त्वाची भूमिका आहे कारण जेव्हा कर्णधार, प्रशिक्षक आणि उप-कर्णधार व्यतिरिक्त वरिष्ठ खेळाडू नेतृत्व किंवा निर्णय घेतात तेव्हा संघातील उर्वरित सदस्यांना हा एक स्पष्ट संदेश मिळतो.'

आयर्लंडच्या मॉर्गनने सर्वात प्रतिष्ठित कर्णधार म्हणून स्वत: ला सिद्ध केले आहे. तो विश्वविजेते संघाचा कर्णधार आहे. ज्यांच्या संस्कृतीत विविधता आहे. त्याला आनंद आहे की आयपीएल ड्रेसिंग रूममध्ये वेगवेगळ्या पार्श्वभूमी, अनेक भाषांचे खेळाडू एकत्र येतात. ज्या आश्चर्यकारक आठवणी तयार करतात. तो म्हणाला की, 'मला वाटते की हा खेळ नेहमीच क्षणिक असतो. परंतु जेव्हा आपण खेळत असता तेव्हा आपण जी भाषा बोलता ती नेहमीच आपल्याबरोबर असते.'

तो म्हणाला की, "ड्रेसिंग रूममधील लोक वेगवेगळ्या भाषांमध्ये क्रिकेटविषयी बोलत असलेले पाहणे मनोरंजक आहे आणि ज्या भाषेबद्दल त्यांना माहिती नाही त्यांना संभाषणातील भाग देखील समजतं." त्याचप्रमाणे फ्रँचायझी क्रिकेटने विविध क्षेत्रातील खेळाडूंना एकत्रित करण्यात महत्त्वपूर्ण भूमिका बजावली असल्याचेही 34 वर्षीय मॉर्गन यांने म्हटले आहे.