'हा' क्रिकेटर अडकला लग्नबंधनात, सोशल मीडियावर दिली माहिती
क्रिकेटरच्या लग्नसोहळ्यात त्याचा मुलगाही उपस्थित होता, हा खेळाडू आहे तरी कोण?
)
मुंबई : क्रिकेटर्सच्या खेळातील रेकॉर्डसोबत वैयक्तिक आयुष्यातल्या अनेक गोष्टी माध्यमांसमोर येतचं असतात. आता ऑस्ट्रेलियन संघाचा कसोटी कर्णधार पॅट कमिन्स लग्नबंधनात अडकला आहे. खुद्द पॅट कमिन्सने त्याच्या ट्विटर फोटो पोस्ट करून याबाबतची माहिती दिली आहे. या त्याच्या घोषणेनंतर त्याच्यावर क्रिकेट वर्तुळात शुभेच्छांचा वर्षाव होत आहे.
ऑस्ट्रेलियन कसोटी कर्णधार पॅट कमिन्सने बेकी बोस्टनसोबत एका ग्लॅमरस सोहळ्यात लग्नगाठ बांधली. पॅट कमिन्सने त्याच्या ट्विटर अकाऊंटवरून पत्नी बेकी बोस्टनसोबत एक छायाचित्र पोस्ट केले, ज्यामध्ये त्याने नुकतेच लग्न झाल्याची माहिती दिलीय. विशेष म्हणजे पॅट कमिन्सच्या लग्नात त्याचा 9 महिन्यांचा मुलगाही उपस्थित होता.
Just Married pic.twitter.com/NOnZKBb8Zr
— Pat Cummins (@patcummins30) August 1, 2022
पॅट कमिन्स आणि बेकी बोस्टन 2013 पासून एकत्र आहेत. बेकी हा इंग्लंडचा असून पॅट कमिन्स हा ऑस्ट्रेलियाचा प्रसिद्ध क्रिकेटपटू आहे. 2020 मध्ये पॅट कमिन्सने बेकी बोस्टनला लग्नासाठी प्रपोज केले. बेकीला अनेकदा स्टेडियममध्ये पॅट कमिन्सचा जयजयकार करताना दिसले आहे. बेकी बोस्टन दिसायला खूप सुंदर आहे. पॅट कमिन्स आणि बेकी बोस्टन यांना 9 महिन्यांचा मुलगा अल्बी देखील आहे.
डेली टेलिग्राफच्या वृत्तानुसार, पॅट कमिन्सच्या लग्नाला मिचेल स्टार्क, अँड्र्यू मॅकडोनाल्ड आणि जोश हेझलवूड उपस्थित होते. ट्रॅव्हिस हेड आपल्या पत्नीसह लग्न समारंभात पोहोचला होता.