close

बातमी थेट मेलबॉक्सलाकाही निवडक बातम्या थेट तुमच्या ईमेल बॉक्सला…

धरणातील माशांना शॉक ट्रिटमेंट; काय आहे मासेमारीची ही नवी पद्धत?

खादाड माशांना विजेचा शॉक

Updated: Nov 7, 2019, 09:39 PM IST
धरणातील माशांना शॉक ट्रिटमेंट; काय आहे मासेमारीची ही नवी पद्धत?
फोटो सौजन्य : यूट्यूब

वॉशिंग्टन : अमेरिकेत एशियन कार्प नावाचे मासे मोठ्या प्रमाणात वाढले. हे मासे एवढ्या प्रमाणात वाढले की, त्यांच्यामुळे इतर माशांच्या जाती धोक्यात आल्या. त्यामुळे अमेरिकन सरकारने या माशांना चक्क शॉक ट्रिटमेंट देऊन मारायला सुरुवात केली आहे.

अशाप्रकारे मासेमारीची ही नवी पद्धत आहे. मासेमारीची ही नवी पद्धत अमेरिकेत सुरू झाली आहे. अशा मासेमारीचं कारणही वेगळं आहे. एशियन कार्प जातीचे मासे धरणात मोठ्या प्रमाणात वाढले. हे मासे खूप खादाड आहेत. ते इतर माशांना काहीच खाऊ देत नाही. एशियन कार्प माशांमुळे इतर माशांच्या अस्तित्वाचा प्रश्न निर्माण झाला. त्यामुळं केंटुकी राज्यातल्या बर्कले धरणात माशांना मारण्यासाठी शॉक ट्रिटमेंट देण्यात आली. 

बोटीतून दोन रॉड पाण्यात टाकल्यानंतर पाण्यातील मासे उड्या मारु लागले. या प्रकारामुळे एक क्षण बोटीतले मासेमारही चक्रावून गेले. काही क्षणातच शॉक लागलेले मासे उताणे पडले. खरं तर शॉक दिल्याने हे मासे मरत नाहीत. पण अर्धमेले झालेले हे मासे पकडणं सोपं जातं. 

  

१९७०च्या सुमारास अमेरिकेत एशियन कार्प माशांची बिजं आणली गेली. पण बेसुमार वाढलेल्या या माशांमुळे स्थानिक प्रजाती धोक्यात आणल्या. त्यामुळे अमेरिकन सरकारला माशांना मारण्यासाठी ही शॉक ट्रिटमेंट द्यावी लागली. मासेमारीची ही पद्धत थोडी नवीन असली तरी त्यात अनेक धोके आहेत. मासे मारताचा हा व्हिडिओ मोठ्या प्रमाणात व्हायरल झाला आहे.