चीनमध्ये एकाच आठवड्यात तिसरं शहर Lockdown, लाखो लोकं घराच कैद

चीनच्या 11 प्रांतांमध्ये संसर्गाची प्रकरणे समोर आली आहेत

Updated: Oct 28, 2021, 09:00 PM IST
चीनमध्ये एकाच आठवड्यात तिसरं शहर Lockdown, लाखो लोकं घराच कैद

बिजिंग : चीनमधील संसर्गाच्या प्रकरणांमुळे सरकार त्रस्त आहे. गुरुवारी, चीन-रशिया (China-Russia Border) सीमेला लागून असलेल्या उत्तर-पूर्व प्रांत, हेलोंगजियांगच्या हेया शहरात लॉकडाऊन लागू करण्यात आला. एका आठवड्यात लॉकडाऊन (Lockdown) लागू करणारे हे आता तिसरे शहर आहे. विंटर ऑलिम्पिक फेब्रुवारीमध्ये चीनमध्ये होणार आहे. याआधी सरकारला देशातील कोरेनाची भीती संपवायची आहे. यासाठी सरकार या धोरणावर काम करत आहे. 

चीनच्या 11 प्रांतांमध्ये संसर्गाची प्रकरणे समोर आली आहेत. तत्पूर्वी, संसर्गाच्या पार्श्वभूमीवर, अधिकाऱ्यांनी लांझो शहर आणि 4 दशलक्षाहून अधिक लोकसंख्या असलेल्या इनर मंगोलिया प्रदेशातील आयजिनला लॉक केले होते.

गुरुवारी नवीन प्रकरणाची पुष्टी झाल्यानंतर हेइए शहरातील अधिकाऱ्यांनी लोकांना घरीच राहण्याचे आदेश दिले आहेत. स्थानिक लोकांना कोणतीही आपत्कालीन परिस्थिती वगळता घराबाहेर पडू नये असे सांगण्यात आले आहे. एका अधिकाऱ्याने सांगितले की, रशियाच्या सीमेला लागून असलेल्या शहरात 16 लाख लोकसंख्येची चाचणी सुरू करण्यात आली आहे. 

संक्रमित व्यक्तीच्या संपर्कात आलेल्या लोकांचा शोध घेतला जात आहे. बस आणि टॅक्सी सेवा बंद करण्यात आली आहे. शहराबाहेरील वाहनांना परवानगी नाकारण्यात आली आहे. चीनमध्ये गुरुवारी 23 नवीन प्रकरणे नोंदवली गेली.

मंगळवारपासून लानझाऊ शहरात लॉकडाऊन लागू आहे. तेथे फक्त एका नवीन रुग्णांची नोंद झाली आहे. तर 35,000 लोकसंख्ये असलेल्या एजिनमध्ये 7 नवीन रुग्ण आढळले आहेत. बीजिंगसह अनेक शहरांमध्ये, निवासी भागात लॉकडाऊन लागू करून लाखो लोकांना घरात कैद करण्यात आले आहे. रहिवाशांना अत्यावश्यक कामाशिवाय घराबाहेर न पडण्याचं आवाहन करण्यात आलंय.